Rongmei Bible Reading Reflection from James 1-5

 [Originally posted in a WhatsApp group (FG) as a daily reading update (reflection) from each chapter of the Bible]

[10:52, 5/12/2021] S.R: 𝕁𝔸𝕄𝔼𝕊 𝟙:𝟙𝟡

"ɴᴢɪᴀɴᴍᴇɪ ᴄʜᴀɴᴀᴛʜɪᴜ, mi hei ningtow o! Meic kathuicna chumei khou katumc o; tiki 𝕤𝕒𝕞𝕖𝕚  khou khatni 𝕝𝕦𝕟𝕘𝕙 𝕡𝕦𝕒𝕞𝕙𝕞𝕖𝕚 khou 𝕟𝕫𝕒𝕖𝕟𝕘 o."

Aniu teipum-zanpum, paap kandi khou tho, lung-puam mei khou, latsa-mei khou katum the. Lat tho chu se chu ni mak khe, nzaeng meilat se sabam purio, chuzi daek the.

Gaihak pui lat kum na "Alung ram puam" tuna se sa rap rap the.

Lungpuam mei lian e thei nchum ti na the tuna lian rap rap mei maeng the tuna mi kandi khou la bam gei kum the. (Anger and vulgar expressions are considered to be an expression of genuineness, and used them to impress upon people. How corrupt the world is!)

Rianra meigan khou ni, nthiam mei gan khou ni, kagan kathui na khou, , khaeng thai na (self-control) lung o tu e.

Network nase si mai rap tu e tei, aniu tho Ningsum pat nuang tu the! "James 1:19 tuna" khat khat ta sa karina tiningtou bam khang nai the!

 

𝕁𝔸𝕄𝔼𝕊 𝟚: 1, 9

v1. "Achanathiu, nangniw Hymdaihmei Kaipouc, Jisu Khrista khou lwmmei nunc swna, meic nunc ta zawkhu zawru zaucna sw rio."

v9. "Tiki nangniw rui meic nunc ta zawkhu zawru zaucna sw e thei, nangniw nkhuaimei e; kumna nangniw Riakdanv twan lyammei nunc e."

Meiram mei ta zaukei, gansaek ta zauku tumei hei mansei guai na khou nai timei tho, James rui na zaukei zauku rio tuna katiu lou e.

Aniu baibai mei khou nthui khang karam bam se, mitun hei ni karam mak ge thei, latdan piu mak mei the.

 Nthiammei paap, daimei paap Raguang hu khou tho mak ge. Paap thai tho theimei tumei di the. Eden Pikuan khou Tingthai tulou mei paap zaeng khou rui na se, mei kathui ta theimei dandi ti e ta, bai bai mei paap tho adi nthuk kan cho. Kakhan kho! Paap tumei guai ta Ra rui nu mak ge.

Aniu, ram kathui khou, nthui khang karam khang nai e.

 

𝕁𝔸𝕄𝔼𝕊 𝟛:𝟙𝟛-𝟙𝟠

v15"Mi kumhmei ningting tei thu tingkauh thangc rui key tuang hamh e; mbaanv tuang de, ravchaptat makmei tuang de, ravsic tuang de."

ɴɪɴɢᴛɪɴɢ ᴊᴀᴛ ᴋᴀɴᴇɪ ɴᴀɪ ᴛʜᴇ:

Kandi Ningting le Tingkao Ningting nai e.

Rasi (Satan) khou rui guangmei Ningting le Raguang khou rui guangmei Ningting nai e. Agai-agi mei Ningting le Rachaptat mei Ningting nai e. Kakhang khang na ningmei Ningting (v13) le Katun khou na tat mak mei Ningting (17)

List hi kei padik bam khang nai e. . .

Q. Aniu tabui Ningting tha nai mei?

Q. Aniu tabui Ningting cho ntaan bam mei?

Q. Aniu tabui Ningting tha James rui nai o tubam mei?

2𝚗𝚍 𝚌𝚊𝚝𝚎𝚐𝚘𝚛𝚢 𝚔𝚑𝚘𝚞 𝚖𝚎𝚒 𝚝𝚞𝚊𝚗𝚐 𝙽𝚒𝚗𝚐𝚝𝚒𝚗𝚐 𝚝𝚊 𝚝𝚑𝚎.

 

𝕁𝔸𝕄𝔼𝕊 𝟜:𝟙𝟟

"Nchumhmei tei thayna taanh makmei tei paapc be."

Laanmei taan meina paap ham the. Nchumhmei taan mak mei ni the!

Simei taan makmei na sumakna, gaimei taan ne taan mei ta tua (ought to). Simei lat sa makmei na su makna, gaimei lat ni sa khang. Nkhuaipui lat sa makmei na sumakna, nchumhmei lat ni sa khang.

"Athuan adou mitaan taan puni" tuna samei se, gaengsu, ramkhe sumei e; heita gan louna (sa mak na), Raguang khou nganglou o tu e (v13-17).

 

𝕁𝔸𝕄𝔼𝕊 𝟝:𝟙

"Lungcgaymei nunc, nangniw nking o! Nangniw ruc khou keylou punimei ryanra ryanriumei khang tei rui kangiuhna kap la tho."

Lungai Chingkhu mei simak ge, paap ham mak ge. Abraham, Job, David, Aritmathea meipu Joseph, heinun guai hei lungai mei nun de.

Naiphai Naibu mei nun ta sa bam tuang e. Aniu khang kage naimei, khang suang nliam nla na nai laki, zaozian thai mak, kaphi-kadam ti chui ri mak, gaitaan taan padika mak, tumei nun ta sa bam tuang e (v1-6)

 Gaansaek aneikhang suang lungsi mei guai tho, anei ta ni lunggai the tuna jao bam nu e. Zaozian thaimei, tipat thaimei, gaitaan padikmei su ni na the, aniu rui ngam pui kam. Bill Gates kum, Mukesh Ambani kumna lungai bam mei nun khang na ham the!

Rongmei Bible Reading Reflection from Hebrews 7-13

[Originally posted in a WhatsApp group (FG) as a daily reading update (reflection) from each chapter of the Bible]

𝕀𝔹ℝ𝕀𝕄𝔼𝕀 𝟟:𝟚𝟠

"Riakdanv rui nthuih makmei maansei ta tingkuh suanglou e; tiki Riakdanv tangv guangmei syangdyng swloumei latryan rui tingsaeng khang ti-nthuihloumei Nac Mpouh ta suanglou e."

Old Testament khou, kadai suna, Leviticus pa e tei, Ibrimei 7 khou hilou bam mei thai diang puni. Aniu paapmei Raguang hu khou guang nu mak ge. Kakhuai nai mei pu tho kamei laanlou mei pu hu khou guang khang ping the, kajaeng tho kata bai-dap e ta tho tuna.

Heijaeng rui mediator kage nai the. Priest (Tingkuh) hei aniu paap su nthan lou mei taan tan na Raguang hu khou aniu ta phung guang lou tuang e. Tiki, mansei rui mediator su e ta nthui mak ge, kajaeng tho kamei ne paap mei muai the.

Nthuimei pu rui mediator su pukhou nthui hian puni. Heijaeng rui, Khrista, paap mak mei pu rui aniu tuang mediator su lou tuang the. Kamei hei, Levimei hametei Aaron kikta khou rui kei mei mediator (priests) nun khang suang nthui hian the. Kaling mei Priest, Tingkuh ko Khrista the.

Heijaeng rui, ai Raguang hu khou pingmak na guang nu the kalam thu, Khrista rui Raguang hu khou saji-taanji pui guai luai lou ngam the!

 

𝕀𝔹ℝ𝕀𝕄𝔼𝕀 𝟠:𝟟

"Reymei latdyng tei nthuih khwan e thei, kaneimei latdyng kage nai dat lak ni tuang e."

Reimei latding tei, OT (Mousi tuang) khou latding ta the. Kaneimei latding hei Khrista khou the. Khrista khou guangmei latding rui nthui hian the. Judaism khang suang Christianity rui nthui the.Siangna sa e tei, reimei latding ruina kanei mei latding phung guang lou e.

Christian su mei adi gai cho! Nthui mei rachap ko the.

 

𝕀𝔹ℝ𝕀𝕄𝔼𝕀 𝟡:𝟚𝟚

"Kumna Riakdanv thei layna ramh guayna zei rui sw nthan e. Zei key makna paapc kuaklou mak ge."

Adam le Eve ta suluai mak na khouring zei kei lin the. Abel tuang puatkat ne kamei thei mak khang khouring zei kei lin the. Nouha ni duithum meitang, khouring zei keina Raguang ta kalum the. Israelmei Egypt kanpat mak khou ta ni, kaikham khou lauziu zei nteilou khuan e.

Zei hei adi nthuk cho. Tiki, khouring zei rui tabui suna mansei ta kanlou nu cho? Khouring tho mansei khang suang keihak mei dike. Milam tei v1-21, khatni 22-28 khou hilou the.

Khouring zei rui mansei gan khat na ta si, kanlou mak ge. Tiki, Khrista zei keilou ni mei ta madan na sui tuang e.

Lao guai bou kei khou, kap mak na bam mei se, zei pat re tei, hou la na kap dat re. Zei hei, spiritually, theologically, psychologically, hei peina khang kathuk nai e.

Khrista akhang kazei kei lou na su nthan lou the. Kamei theimei hei ai ring diu khang the.

 

𝕀𝔹ℝ𝕀𝕄𝔼𝕀 𝟙𝟘:𝟙𝟡

"Hei zaeng rui, chanathiu, aniu Nthan Liangmei Bamv khou gut khang Jisu zei paan rui khamv namv tuang nai dat mak khe."

Lummei kathui Raguang hu khou khuai mak khe. Kahu khou ping tuang makna guang nu the.

Catholic meinun rui, Father hukhou confession subam meita kaba mak tuang the. Khamthingphei lagan lou ki, kaniu rui daeng thao dat bam tuang the. Aniu Raguang hukhou kuaklou khang guang nzut phut nu the. Tiki, mansei rui kuaklou khang, mansei hu khou confessions sumei gan ni thu nai e. Aniu khuai phung ngam mak pu khou mei ram mei hu khou ra ndao pat mei ni nai e. Tiki, Raguang le aniu kak khou tho thingmei mak khe!

Adi charin cho Khrista taan hei!

 

𝕀𝔹ℝ𝕀𝕄𝔼𝕀 𝟙𝟙:𝟞

"Lwmmei maekna thu Ravguangc ta tipian ngam mak ge. Ravguangc daeng khou guang nimei guay, Ravguangc nai e khatni kakhou guangmei guay khang tiilou e twmei lwm nina e."

Aniu Kanloumei/Ringbam hei lamei ni Lummei pan rui e.

Tao tao Christian panti hei ni Lummei panti e.

Raguang hu khou guangna Rakalum meini, Lummei rui e.

Raguang ta tipian khangni Lummei rui e.

Raguang lat piu khang ni Lummei rui e.

Christian panti neila zaeng gai khang ni Lummei rui e.

Puanthan mei khourui Tingkao nzuan tang maksan, Lummei panti e.

Aram lum ti kasuan lou o, Amen!

Hymdai Lu 406,

 𝙰𝚒 𝚕𝚠𝚖𝚖𝚎𝚒 𝙽𝚊𝚗𝚐 𝚔𝚑𝚘𝚞 𝚍𝚎,

𝙺𝚊𝚕𝚟𝚊𝚛𝚒 𝙻𝚊𝚞𝚣𝚒𝚞 𝙽𝚊𝚌,

𝙶𝚞𝚕𝚘𝚞𝚖𝚎𝚒𝚙𝚞;

𝚌𝚑𝚞𝚕𝚘𝚞 𝚘, 𝚊𝚒 𝚑𝚞𝚊𝚢 𝚎,

𝚔𝚞𝚊𝚔𝚕𝚘𝚞 𝚘, 𝚊𝚔𝚑𝚞𝚊𝚢 𝚐𝚞𝚊𝚢,

’𝚜𝚎𝚒𝚌 𝚔𝚑𝚘𝚞 𝚛𝚞𝚒 𝙽𝚊𝚗𝚐 𝚔𝚑𝚊𝚗𝚐 𝚗𝚊

𝚊𝚒 𝚕𝚞𝚗𝚐𝚌 𝚗𝚒 𝚝𝚑𝚎.

 

𝕀𝔹ℝ𝕀𝕄𝔼𝕀 𝟙𝟚:𝟙𝟜

"Meic guayna 𝕔𝕙𝕦𝕫𝕒𝕖𝕟𝕘𝕙𝕟𝕒 lungc bam khang khatni ℕ𝕥𝕙𝕒𝕟𝕞𝕖𝕚 𝕡𝕒𝕟𝕥𝕪 khou lungh khang karamc o. Kalam thu mi kumcna lungh mak ge thei, gaanv khat na sini Poubauhmei ta how ngam mak ge."

Raguang hei nthanmei Raguang e. Aniu ni kakum nthan nina e kadaeng thang lung ni ye tei.

Aniu nthan ni e tuna sabam tini, kakhan bam tini, Khrista na rui tithan lou e. Bumaeng rui lumloumei kathui khou lung lou na [indwelling], paap khou rui ni zai duaklou e.

Khrista rui suthan lou e tei, Bumaeng rui zailou e tei, Raguang rui kadaeng khou lung khang kao lou e tei, nthanmei panti lung bam puni.

Nthanmei panti suina, karamna lung mak e tei, Khrista ngam tei aniu thai mak khe.

Hymdailu 325

Nang ta luic nii e! Nang ta luic nii e!

He Thuakloumeipu, Nang kumc ’than khang!

Nang ramgai akhou gut padiklou o,

Nang maengc naplou tho, alung khou hei.

 

𝕀𝔹ℝ𝕀𝕄𝔼𝕀 𝟙𝟛:𝟝

"Syan agaamvna lungc lak nina e; nang khou naimei khou tei pianna lungc o. Kalam thu, “Ai nang ta mpatlou lak ge, ai nang ta ganc nrulou lak ge,” twna Ravguangc rui sa e."

Tukhang nai, piukhang nai, ziploupui bam nai tu e tei pian thai khang su nu the.

Taan tan mak na bam o tumak ge. Sian agam rio tu tuang e. Lung gai rio tumak ge, sian agam rio tu tuang e! Sian invest su rio tu mak ge, Sian saving su rio tu mak ge, Sian agam rio tu tuang e.

Geina agam rio tuna sa mak ge, titna bam ni, gei bam ni Sian agam rio tu e. Pianthaimei khatni Raguang khou ngangloumei hei rui Sian padik mei suang nthuihian gaihian e!

Rongmei Bible Reading Reflection from Hebrews 1-6

[Originally posted in a WhatsApp group (FG) as a daily reading update (reflection) from each chapter of the Bible]

[22:17, 5/17/2021] S.R:

𝕀𝔹ℝ𝕀𝕄𝔼𝕀 𝟙:𝟙-𝟚

"Reydouc tei thu Ravguangc rui kathak baih baihmei mpeyna khou, aniu pupouc nunc khou, muhzwng nunc ta tisalou khwan e; tiki mi nkhamhmei ganv khou hei thu, aniu khou, Kanac Mpouh ta tisalou the. Mi Nac Mpouh hei, Ravguangc rui kapaan rui mbaanv damhmeipu, khatni nkhamh khou Ravguangc rui ramh katana kakhou tiilou nimeipu e."

Souri hei Apple thai lim tu khang sijin e; mansei ta ni suluai nu e. Mi kum na, Bible lat hei ni, nchum mei khou sijin, laan na ne sijin tumei hei padik the.

Gaansaek rui, mi verse palana kum sa e, "Jao ti tho. Raguang rui aniu khang kathiak bai-bai na sa lou e tu e. Heijaeng rui, tao ni sabam mei guai ta lum khang nai e."

Tiki, mi verse rui samei tho, kadat dik the: Raguang rui rei khou salou khuan e, tao tho Khrista khou di the. Khrista khou hamna baimei khou sadat mak khe tupuilat e. Rei khou ko se, muzung nun khou de tupuilat; tao tho muzung nun ne mak khe.

Thou puni Khrista ta thai e tei, Khrista khou lung bam e ta, Khrista lat piu bam e tei, gaat tuang mak khe. Kamei hei ramguaina kaipou di the!

 

𝕀𝔹ℝ𝕀𝕄𝔼𝕀 𝟚:𝟙𝟞

"Kalam thu kamei rui nkhavloumei hei kauh baanchara nunc ta hamh e; tiki nthanmei latrik rui, “Kamei Abraham kikta guay ta nkhavlou e,” twmei hei kachangcpui lat re."

Kaubaanchara guai khang ne Kanloumei mak ge, Khouring guai khang ne mak ge; Mansei khang na the Kanloumei tumei nai mei, Mansei ko se lumloumei nun khang na the.

Baanchara aju ta dandi ti, khatni tidat puni tu e tei; khouring guai mut ngam puni e tei; thingbang guaini mut ngam puni e tei; lumlou mak mei mansei, Kanloumei ta ntaam na kakhan pui mei, Raguang ta thou oi mak mei nun ta, Raguang rui tukumna sumut lak nina cho!?

Raguang hei adi charin cho; ai, mansei hei adi nthui mak cho tumei hei, thulah lapat lagut mei kumna, ningtou tan tan bam khang nai e.

 

𝕀𝔹ℝ𝕀𝕄𝔼𝕀 𝟛:𝟙𝟚-𝟙𝟛

"Chanathiu, nangniw thowkumhmei khou simei khatni lwm makmei lung naina, hei tei rui nangniw ta ringhmei Racguangc khou rui sᴡ ɴᴛᴀᴍᴠʟᴏᴜ ᴍᴀᴋ ᴋʜᴀɴɢ ᴋᴀsɪᴀᴛʜᴛʜᴀʏ ᴏ. Paapc tuang guatmei rui nangniw lung titanh mak khang, “Aseic” twna kawmei ganv hei nai bam khou, nangniw tingmik kathuic ᴋʜᴀᴛ ᴋʜᴀᴛ ᴛᴀ ᴋᴀᴛɪᴜ ᴋᴀʀʏɴᴀ ʙᴀᴍ ᴏ."

Laanmei taan hei thaina-thaina taan mei nai e; thai mak na taan meini nai e. Paap-taan guai hei kahou khou tho nthiam gei the, tiki, titna de tubam khou rui, daidou pat na theihmei phung guang e. Tingmik pum ri adou bam khang nai e.

Mi kum na tingmik pum [WhatsApp Bible] update subam meine, bumaeng tuang discipline the. "Ai ne subu de" tuna sa mei ham na "Ai ne kum subam e" tu mei tei rui kaling mei e.

 

𝕀𝔹ℝ𝕀𝕄𝔼𝕀 𝟜:𝟙𝟛

"Ravguangc hu khou ramh khatna sini nkamh ngam mak ge. Damcloumei katana hei kahu khou how ndauh daek tuang de. Kakhou aniu taanv chakh guang ndaw puni."

Raguang lat khou rui aniu duak ngam mak khe. Maansei ta tho, aniu lat aginu de. Law ta ni, lawyer guai rui court khou katuang client khang gaengnu khang agi de. Raguang hu khou tho, agi duak dat ngam mak khe. Excuse ni mak. Athuan rui tuna thuansuang bam tini duak dat mak khe.

Raguang hu khou tho nniam kei na, suai ding the, hametei suaikhuang ding the tumei rap dithe. Kajaengthu nniam kei mei nun khang kuaklou mei kakhou [Raguangkhou] nai e.

Aniu guai taan kathui kahu khou chak ndau pui gan nai puni. Taw mansei hu khou laanmei taan tan na duak the tuna kakhan bam mei guai, duak lak ge mi nung kiu!

Tiki lumloumeinun tho Latzan bam paeng khou dandi phang khang ham the, tiki suan aju hei kaling mei cho tumei mairui lian puni. Heijaeng rui, mansei rui gai ding the tulou khangna, hametei mansei hu khou gailun su mak na, Raguang rui lalou nu mei ta taan khang e.

"Kahu khou hou ndau daek tuang de"

 

𝕀𝔹ℝ𝕀𝕄𝔼𝕀 𝟝:𝟠-𝟡

"Kamei Ravguangc nac mpouh khwan sini, latpiuna ryanramei khaengvlou the. Kumna kathouc taanc nthuihlou lana kamei kalat piumei guay khang tingsaeng ringcbamv tiiloumeipu sw the."

Aniu guai nchu-nzaeng na lung ni e. Khrista, Raguang Na kahakse rianra na mi kandi khou lung lou the. Aniu rianra mei lung ariu mihei, kandi thiak rap di the.

Khrista Pu Raguang lat guai piu nthui mei kumna, tabui bui pat bam pu sini na, aniu ni kalat piu na lung bam o tu e.

Ham mak ge tei, aniu panti tao ne, guang nimei panti ne, ariam mei, amaan mei panti di the!

 

𝕀𝔹ℝ𝕀𝕄𝔼𝕀 𝟞:𝟙𝟙-𝟙𝟚

"Nangniw tuang rigwnmei tei guang tangh khang, mi kumna nangniw tuang lungh gutmei hei katwan nganv nangniw kathuic khou nai bam khang aniw kahaw e. Lwmna khatni khaengvthayna Ravguangc rui nrianhloumei laa kanmei nunc tei kumcna nangniw aliauh key makna, lunghmei ta aniw kahaw e."

Lumlou guat rap tupui zaeng rui tingkao tat khang ham e.

Khrista thei matak khat lai nzei lou rap tupui zaeng rui kanloumei phang khang ham e.

Lumlou mei, kathei lai mei, theimak san, katuan ngan khang e.

Kum mak ge tei, nsa de! Heizaeng rui, lum tan tan, lai sui tan tan khang e.

Rongmei Bible Reading Reflection from Ecclesiastes 7-12

[Originally posted in a WhatsApp group (FG) as a daily reading update (reflection) from each chapter of the Bible]

NINGTINGDYN 7:20-23

"Nkhuai zat makna nchumhmei na taancna lungc bammei kandih nam ruc khou maansei khat na sini maek ge.  Meic nunc rui samei lat kaguayna tei nking riu nang bangc rui nang ta sa kasicmei lat ni chu pwng e, kalam thu nang rui meic baihmei ta tizaklou geic sih kan the twmei nang rana thay e. Aningting sinswna ai mi guay hei kathai zauc the. Ai ningtyngmei e twna kakhanh e, tiki ai ngam mak khwan e."

"Raguang ta pingna lungmei" lam, chapter 7 khou ne hilou dat muai the, diangsiakna (especially) v18. Tiki, asei akhang verse 20-23 gai liang na latou e. Latpi kathum:

1. Aniu meiguaina mei paapmei sin de. Rachaptatchui liang mei pu sini, nthanliang mei pu sini, nthui-thik mei tho, mei mak e, Krista Jisu na de.

2. Aniu meiguaina mei lat satuan-sari mei ran na de. Kuak-kari-karina lung khang e. Ata sa-kasi louthi ke tuna, aniu lungpuamna, kuak-kari mak ge thei, nang-ai mbah mei the. Kazaengthu, nang-ai ne, meiram meita sa kasi lou mei gan peina nai bam tuang e.

3. Aniu meiguaina ningting gaat mei ran na de. Guang Solomon, ningtingliangmei pu sini, karana meizakna lukeina (realised and humbled himself) v23 hilou e tei, nang-ai ne lukeina ningting kathai khang nai e.

Self-Deprecating, not Self-Esteem di the mituang latchyam khou asei latou mei!👍

 

NINGTINGDYN 8

Bai pang, aniu book majai pagut thoi! Hapta khat ne tang thoi!👍👏😇

Mi chapter 8 hei, nang niu kum na kakhan bam tua? Kumsa pui lat choni?

v1 khou "na rui thay e" tuna kahou lana, luaimei v17 khou, "thay ngam ni tuang hamh e" tudat ni?😂 What a paradox! Ni? But I love that it begins and ends in this way!

 

ℕ𝕀ℕ𝔾𝕋𝕀ℕ𝔾𝔻𝕐ℕ 𝟡

𝙽𝚒𝚗𝚐𝚝𝚒𝚗𝚐𝚍𝚢𝚗 𝚋𝚘𝚘𝚔 𝚔𝚑𝚘𝚞 𝚑𝚒𝚕𝚘𝚞 𝚖𝚎𝚒 𝚔𝚊𝚋𝚊 𝚑𝚎𝚒 𝚝𝚑𝚊𝚒 𝚔𝚑𝚘 𝚝𝚞 𝚎 𝚝𝚎𝚒, "𝚞𝚗𝚍𝚎𝚛 𝚝𝚑𝚎 𝚜𝚞𝚗" 𝚝𝚞𝚗𝚊 𝚜𝚊 𝚋𝚊𝚖 𝚖𝚎𝚒 𝚝𝚊 𝚝𝚑𝚊𝚒 𝚔𝚑𝚊𝚗𝚐 𝚎.

𝙼𝚒 𝚔𝚊𝚋𝚊 𝚔𝚒𝚞 𝚝𝚑𝚘, 𝚘𝚗𝚕𝚢 '𝚞𝚗𝚍𝚎𝚛 𝚝𝚑𝚎 𝚜𝚞𝚗' 𝚝𝚞 𝚙𝚞𝚒𝚕𝚊𝚝 𝚝𝚑𝚎. " 𝚆𝚒𝚝𝚑𝚘𝚞𝚝 𝚄𝚗𝚍𝚎𝚛 𝙶𝚘𝚍" 𝚝𝚞𝚙𝚞𝚒𝚕𝚊𝚝 𝚝𝚑𝚎. 𝚁𝚊𝚐𝚞𝚊𝚗𝚐 𝚝𝚊 𝚌𝚑𝚊𝚔 𝚖𝚊𝚔 𝚖𝚎𝚒 𝚙𝚊𝚗𝚝𝚒 𝚝𝚞𝚙𝚞𝚒 𝚕𝚊𝚝 𝚝𝚑𝚎.

𝙼𝚒 𝙺𝚊𝚗𝚍𝚒 𝚔𝚑𝚘𝚞 𝚔𝚒𝚞 𝚝𝚑𝚘, 𝚁𝚊𝚌𝚑𝚊𝚙𝚝𝚊𝚝𝚖𝚎𝚒 𝚗𝚎 𝚝𝚑𝚎𝚒𝚑 𝚙𝚞𝚗𝚒. 𝚁𝚊𝚌𝚑𝚊𝚙𝚝𝚊𝚝𝚖𝚊𝚔𝚖𝚎𝚒 𝚗𝚎 𝚝𝚑𝚎𝚒𝚑 𝚙𝚞𝚗𝚒. 𝙽𝚒𝚗𝚐𝚝𝚒𝚗𝚐𝚖𝚎𝚒𝚗𝚎 𝙼𝚙𝚊𝚗𝚐𝚖𝚎𝚒𝚗𝚎 𝚝𝚑𝚎𝚒𝚑 𝚖𝚞𝚊𝚒 𝚗𝚐𝚊𝚖 𝚗𝚒𝚖𝚎𝚒 𝚛𝚊𝚗 𝚗𝚊 𝚍𝚒 𝚝𝚑𝚎.

𝙺𝚞𝚖𝚙𝚞𝚒𝚓𝚊𝚎𝚗𝚐 𝚛𝚞𝚒: 𝙿𝚊𝚊𝚙𝚖𝚎𝚒 𝚗𝚎 𝚕𝚞𝚗𝚐 𝚋𝚊𝚖 𝚖𝚎𝚒 𝚍𝚊𝚔 𝚔𝚑𝚘𝚞 𝚕𝚞𝚗𝚐 𝚗𝚞𝚗𝚐𝚊𝚒 𝚝𝚑𝚊𝚒𝚗𝚊 𝚕𝚞𝚗𝚐 𝚖𝚎𝚒 𝚐𝚊𝚒 𝚎, 𝚔𝚊𝚓𝚊𝚎𝚗𝚐 𝚝𝚑𝚘 𝚝𝚑𝚎𝚒𝚑 𝚖𝚎𝚒 𝚝𝚊𝚗𝚐 𝚖𝚊𝚒𝚔𝚞𝚊𝚖 𝚔𝚑𝚘𝚞 𝚝𝚑𝚘 𝚗𝚞𝚗𝚐𝚊𝚒 𝚝𝚘𝚞 𝚍𝚊𝚝 𝚗𝚒𝚝𝚞𝚊𝚗𝚐 𝚖𝚊𝚔 𝚔𝚑𝚎.

𝚁𝚊𝚝𝚊𝚝𝚑𝚊𝚒𝚖𝚎𝚒𝚗𝚎 𝙶𝚘𝚍-𝚏𝚎𝚊𝚛𝚎𝚛𝚜/𝙲𝚑𝚛𝚒𝚜𝚝𝚒𝚊𝚗𝚜) 𝚕𝚞𝚗𝚐 𝚗𝚞𝚗𝚐𝚊𝚒𝚗𝚊 𝚕𝚞𝚗𝚐 𝚗𝚞 𝚝𝚑𝚎 𝚁𝚊𝚐𝚞𝚊𝚗𝚐 𝚜𝚞𝚊𝚒𝚑𝚒𝚊𝚖 𝚌𝚑𝚊𝚔 𝚗𝚊.

𝙿𝚊𝚊𝚙𝚖𝚎𝚒𝚗𝚎 𝚜𝚒𝚙𝚞𝚒 𝚝𝚊𝚊𝚗 𝚝𝚊𝚗 𝚗𝚝𝚑𝚊𝚎𝚔𝚗𝚊, 𝚐𝚊𝚒𝚙𝚞𝚒 𝚝𝚊𝚊𝚗 𝚝𝚊𝚗 𝚔𝚑𝚊𝚗𝚐, 𝚔𝚊𝚓𝚊𝚎𝚗𝚐 𝚝𝚑𝚘 𝚖𝚊𝚒𝚔𝚞𝚊𝚖 𝚔𝚑𝚘𝚞 𝚜𝚎, 𝚁𝚊𝚐𝚞𝚊𝚗𝚐 𝚛𝚞𝚒 𝚍𝚊𝚗𝚍𝚒 𝚖𝚎𝚒𝚝𝚞𝚊𝚗𝚐 𝚝𝚊𝚊𝚗 𝚜𝚒𝚗𝚐 𝚝𝚒𝚙𝚞𝚗𝚒.

𝚁𝚊𝚝𝚊𝚝𝚑𝚊𝚒𝚖𝚎𝚒𝚗𝚞𝚗 𝚗𝚎 𝚁𝚊𝚐𝚞𝚊𝚗𝚐 𝚛𝚞𝚒 𝚜𝚞𝚊𝚗 𝚖𝚎𝚒 𝚝𝚊𝚊𝚗 𝚝𝚑𝚎𝚒 𝚕𝚊𝚒𝚗𝚊 𝚝𝚒𝚙𝚞𝚗𝚒, 𝚝𝚞𝚖𝚎𝚒 𝚝𝚑𝚊𝚒𝚗𝚊, 𝚐𝚊𝚒𝚙𝚞𝚒 𝚝𝚊𝚊𝚗 𝚝𝚊𝚗 𝚖𝚋𝚞𝚑 𝚑𝚊𝚒 𝚑𝚊𝚒 𝚔𝚑𝚊𝚗𝚐 𝚎.

𝙼𝚊𝚊𝚗𝚜𝚎𝚒 𝚖𝚒𝚔-𝚓𝚞𝚊𝚝 𝚔𝚑𝚘𝚞 𝚝𝚑𝚘 𝚛𝚊𝚖𝚐𝚞𝚊𝚒𝚗𝚊  𝚑𝚎𝚒 𝚗𝚜𝚊 𝚍𝚒 𝚝𝚑𝚎. 𝚃𝚒𝚔𝚒 𝚁𝚊𝚐𝚞𝚊𝚗𝚐 𝚝𝚊 𝚝𝚑𝚊𝚒 𝚖𝚎𝚒𝚗𝚞𝚗 𝚔𝚑𝚊𝚗𝚐 𝚝𝚑𝚘, "𝚝𝚑𝚎 𝚏𝚘𝚘𝚕𝚒𝚜𝚑𝚗𝚎𝚜𝚜 𝚘𝚏 𝚝𝚑𝚎 𝚠𝚘𝚛𝚕𝚍 𝚒𝚜 𝚝𝚑𝚎 𝚠𝚒𝚜𝚍𝚘𝚖 𝚘𝚏 𝙶𝚘𝚍." (1 𝙲𝚘𝚛. 1:18-31)

 

ℕ𝕀ℕ𝔾𝕋𝕀ℕ𝔾𝔻𝕐ℕ 𝟙𝟘:𝟚𝟘

"Nang lung khou nganvna guangh ta khanh riu, nang kai kainung khou sini lungcgaymei ta nsih rio. Nang rui samei tei nruayna rui sini phungc tatna dinclou nuh e."

𝙰𝚗𝚒𝚞 𝚔𝚑𝚊𝚗𝚐 𝚜𝚞𝚊𝚗𝚐 𝚜𝚊𝚎𝚗𝚐-𝚍𝚊𝚒𝚑 𝚖𝚎𝚒 𝚐𝚞𝚊𝚒 𝚝𝚊, 𝚊𝚗𝚒𝚞 𝚊𝚐𝚊𝚒-𝚗𝚐𝚊𝚖 𝚕𝚊𝚔 𝚗𝚒𝚖𝚎𝚒 𝚝𝚊, 𝚊𝚗𝚒𝚞 𝚐𝚞𝚊𝚒 𝚛𝚞 𝚔𝚑𝚘𝚞 𝚋𝚊𝚖𝚖𝚎𝚒 𝚐𝚞𝚊𝚒 𝚝𝚊, 𝚊𝚗𝚒𝚞 𝚔𝚑𝚊𝚎𝚗𝚐 𝚕𝚊𝚔 𝚗𝚒𝚗𝚊 𝚍𝚒𝚗𝚐 𝚎.

𝙺𝚊𝚗𝚒𝚞 𝚜𝚒𝚋𝚊𝚖 𝚙𝚞𝚗𝚒, 𝚖𝚙𝚊𝚗𝚐 𝚋𝚊𝚖 𝚙𝚞𝚗𝚒, 𝚕𝚊𝚊𝚗 𝚋𝚊𝚖 𝚙𝚞𝚗𝚒, 𝚊𝚗𝚒𝚞 𝚛𝚊𝚖𝚝𝚑𝚊𝚒 𝚔𝚑𝚊𝚗𝚐 𝚔𝚊𝚐𝚎 𝚗𝚊𝚒 𝚍𝚒𝚗𝚐 𝚎.

𝙽𝚔𝚊𝚖 𝚗𝚊 𝚗𝚊 𝚜𝚎 𝚕𝚊𝚝𝚜𝚒 𝚜𝚊 𝚖𝚊𝚔 𝚔𝚑𝚊𝚗𝚐, 𝚔𝚊𝚗𝚒𝚞 𝚝𝚊 𝚔𝚑𝚊𝚗 𝚖𝚊𝚔 𝚔𝚑𝚊𝚗𝚐, 𝚖𝚊𝚕𝚊 𝚖𝚊𝚔 𝚔𝚑𝚊𝚗𝚐. 𝙺𝚊𝚣𝚊𝚎𝚗𝚐𝚝𝚑𝚞, 𝚔𝚊𝚗𝚒𝚞 𝚐𝚞𝚊𝚒 𝚜𝚒𝚙𝚞𝚒 𝚝𝚊𝚊𝚗 𝚊𝚗𝚒𝚞 𝚛𝚞 𝚔𝚑𝚘𝚞 𝚝𝚊𝚊𝚗 𝚋𝚒𝚞 𝚛𝚊𝚙 𝚗𝚊𝚝𝚑𝚘!

𝙼𝚒𝚙𝚑𝚊𝚊𝚗 𝚝𝚎𝚒, 𝚁𝚊𝚔𝚊𝚕𝚞𝚖 𝚕𝚘𝚞 𝚔𝚑𝚊𝚗𝚐 𝚗𝚊 𝚝𝚑𝚎! 𝙱𝚞𝚒𝚓𝚊𝚎𝚗𝚐 𝚔𝚊𝚝𝚞𝚗 𝚌𝚑𝚊𝚖𝚊𝚔 𝚖𝚎𝚒𝚝𝚞𝚗 𝚝𝚑𝚎𝚒𝚓𝚒𝚗 𝚝𝚑𝚎𝚒𝚓𝚞𝚑 𝚋𝚊𝚖 𝚗𝚒𝚗𝚊 𝚌𝚑𝚘!

𝙽𝚌𝚑𝚞𝚖𝚑𝚊𝚔 𝚙𝚞𝚒 𝚕𝚊𝚝 𝚍𝚒𝚗𝚐 𝚎! 👍

 

ℕ𝕀ℕ𝔾𝕋𝕀ℕ𝔾𝔻𝕐ℕ 𝟙𝟙:𝟛

"Thingbang tei tabui bui biak pun bam sini, pun keylou loumei bamv khou tei zip bam kan ni the."

ᴋᴀᴊᴀɴ-ᴛᴀᴛᴋᴀɴᴍᴇɪ ᴛʜᴇᴏʟᴏɢɪᴀɴ, ʀᴄ sᴘʀᴏᴜʟ ᴍɪ ʙɪʙʟᴇ ᴠᴇʀsᴇ ᴘᴀ ᴀʀɪᴜ ᴘᴜɪ ᴛᴀɴɢ ᴋᴀᴍᴇɪ ᴄʜʀɪsᴛɪᴀɴ ɴɪɴɢ ᴛᴜᴀɴɢ ᴇ!

ᴋᴀᴄʜᴀɴɢ ᴇ, ᴛʜɪɴɢʙᴀɴɢ ᴛᴇɪ ɴᴏʀᴛʜ ᴊᴀᴛ ᴘᴜ sᴏᴜᴛʜ ᴊᴀᴛ ᴘᴜ, ᴘᴜᴀɴ ʀᴜɪ ᴀʟɪᴜ ᴛᴀɴ ɢᴜᴀɴɢ ᴍᴇɪᴊᴀᴛ ᴛᴇɪ ᴘᴜɴᴋᴇɪ ᴘᴜɴɪ ᴛʜᴇ. ᴛᴀʙᴜɪ ᴊᴀᴛ ᴘᴜɴ ᴘᴜɴɪ ᴄʜᴏ, ʜᴀᴍᴇᴛʜᴇɪ ᴛᴀʙᴜɪɴᴜɴɢ ᴘᴜɴ ᴘᴜɴɪ ᴄʜᴏ ᴛᴜᴍᴇɪ ᴛʜᴏ ᴍᴇɪ ᴛʜᴀɪ ᴍᴀᴋ ɢᴇ. ᴛɪᴋɪ ᴘᴜᴀɴ ᴀʟɪᴜ ᴛᴀɴ ɢᴜᴀɴɢ ᴍᴇɪ ɴᴜɴɢ ᴋɪᴜ ᴛʜᴜ ᴘᴜɴ ᴘᴜɴɪ ᴛʜᴇ.

ᴘᴀɴᴛɪ ɴɪ ʜᴇɪ ᴛᴀᴋᴜᴍɴᴀ ᴢᴀᴇɴɢ ᴋʜᴀᴛ ᴛʜᴏ ʟᴜᴀɪ ᴘᴜɴɪ, ᴛʜᴇɪᴘᴜɪ ɢᴀɴ ᴋʜᴏᴜ, ᴍᴀɪᴋᴜᴀᴍ ɴɪ ᴛɪɴɢᴋᴀᴏ ᴋʜᴏᴜ ᴘᴜɴ ʟᴏᴜ ᴘᴜɴɪ ᴛʜᴇ. ᴛᴀᴏ ʀɪɴɢʙᴀᴍ ᴋʜᴏᴜ ᴛᴀʙᴜɪ ᴛᴜɴ ᴛᴀᴛ ᴋʜᴏ ᴄʜᴏ ᴛᴜᴍᴇɪ ᴀɴɪᴜ ᴋᴀʀᴀᴍ ɴᴜ ᴇ. ᴛɪᴋɪ ᴛʜᴇɪ ᴛᴀɴɢ ᴋᴀɴ ɴᴇ ᴛᴇɪ, ᴛɪᴋᴀʟᴀɪ ᴅᴀᴛ ɴɢᴀᴍ ᴍᴀᴋ ᴋʜᴇ.

ʀᴄ sᴘʀᴏᴜʟ ᴘᴀᴀᴘᴍᴇɪ ᴀᴋʜᴀᴛsᴜɴᴀ ᴋᴀᴍᴇɪ ᴘᴜɴ ʙᴀᴍ ᴍᴇɪᴛᴀ ʜᴏᴜ ᴛʜᴇ. ᴘᴜɴ ɴʀᴜᴍ ʙᴀᴍ ᴛʜᴇ ᴛᴜ ᴇ (Rotten). ᴍᴀɪᴋᴜᴀᴍ ᴛᴀᴛ ɴɪᴍᴇɪ ᴛᴀ ᴋᴀᴍᴇɪ ʜᴏᴜ ᴛʜᴇ. ᴋᴜᴍ ᴛɪᴘᴜɪ ᴢᴀᴇɴɢ ʀᴜɪ ᴋᴀᴍᴇɪ ʟᴜɴɢʟᴀɪɴᴀ ᴋʀɪsᴛᴀᴛʜᴇɪ ʟᴀɪ ᴛʜᴇ. ᴛᴀᴏ ᴛʜᴏ ᴋᴀᴍᴇɪ ᴛɪɴɢᴋᴀᴏ ᴋʜᴏᴜ ᴘᴜɴ ɴᴀ ʀɪɴɢ ɴᴅɪᴀᴋ ʀɪ ʀɪ ʙᴀᴍ ᴛʜᴇ.

𝐀𝐤𝐚𝐢𝐩𝐨𝐮, 𝐍𝐚𝐧𝐠 𝐭𝐚𝐛𝐮𝐢 𝐧𝐮𝐧𝐠 𝐠𝐮𝐚𝐧𝐠 𝐩𝐮𝐧𝐢 𝐜𝐡𝐨, 𝐡𝐚𝐦𝐞𝐭𝐡𝐞𝐢 𝐚𝐢 𝐭𝐚𝐛𝐮𝐢𝐧𝐮𝐧𝐠 𝐭𝐢𝐧𝐠𝐤𝐚𝐨 𝐧𝐳𝐮𝐚𝐧 𝐩𝐮𝐧𝐢𝐜𝐡𝐨, 𝐭𝐢𝐤𝐢, 𝐦𝐢 𝐭𝐢𝐧𝐠𝐦𝐢𝐤 𝐠𝐮𝐚𝐧𝐠 𝐦𝐚𝐤𝐦𝐞𝐢 𝐬𝐚𝐚𝐧, 𝐧𝐚𝐧𝐠𝐭𝐚 𝐬𝐮𝐢𝐦𝐞𝐢 𝐩𝐚𝐧𝐭𝐢 𝐭𝐢𝐥𝐮𝐧𝐠𝐥𝐨𝐮 𝐭𝐚𝐧 𝐭𝐚𝐧 𝐨. 𝐀𝐦𝐞𝐧!

 

NINGTINGDYN 12:13

"Mi guay tangv hei salou dat nimei lam akhat na kha nai e: Ravguangc ta ping o kumna katuang latdanv guay tei piu o, kalam thu mi khang hei rui maansei ta Ravguangc rui damcloumei tuang e."

"Raguangta ping khang!" tumei tuang Theme khou mi Ningtingdyn book hei palou na WhatsApp khou ni share sulou pui tuang the!

"Akumna Lung Aman (enjoy) Nina Cho" tumei Theme khou ni pana update su nu de.

"Gaengmak mei Panti" tumei Theme bang khou ni pa nu e.

"Kandi Ninting le Tingkao Ningting" tumei Theme bang khou ni pa na update su nu e.

Nang niu tho chapter 1-12 pamei lung khou tabui "Main Theme/ Main Point" suna pa ariu lou chau? Meiguaina mei salou pu o! including @Beckham Delhi.