Rongmei Bible Reading Reflection from Romans 1-16

[Originally posted in a WhatsApp group (BRU) as a daily reading update (reflection) from each chapter of the Bible]

[13:45, 16/09/2022] S. R.:

ℝ𝕠𝕞𝕒𝕟𝕤 𝟙:𝟚𝟙

Kaniw Ravguangc ta thay sini, kaniw rui kata Ravguangc e twna kalum mak ge khatni thuanckulou mak ge. Mi phaan tei kaniw lungning ndy ngam the khatni zingc ngam the."

Mansei khuai mi latbam khou hilou the. Mansei ta Raguang rui latzan suni mei hei Mansei rui mansei khou tanmei tanmakmei ta ham makge reiliang mei khou. Mansei rui kata damloumeipu Raguang ta kalum make mei khatni thuanku make mei jaeng rui e.

Aniu Ra ta thai mei guai sini na adi Ra kalum aliau ding! Sunday khou Rakai se ku tat ni mak ding! Baibal ruina tho taek mak na Raguang ta champou, chakhuang, kalum, thuanku o tuna sa bam the.

Thuanku mei phan nuanmei, zaozingmei, ninmei, kalangmei, Ra ta lungpuam mei aniu tho surap rap the.

Sabam mei tho, mansei tumei guai hei Ra hu khou chuimakmei, tuanliammei, latpiumakmei, paapmei su ngam the tupui lat the. Heijaeng rui Khrista na khou aniuta Rachaptatmei panti tilung lou khang Gaycham hei din lou pui tuang the.

 

ℝ𝕆𝕄𝔸ℕ𝕊 𝟚:𝟙𝟛

"Ravguangc hu khou ravchaptatmei swmei hei Riakdanv tei chupui mei tei hamh e; piupui mei tei de."

Baibal pabamna piumak getei gaeng tuang mak ge.

Raguang lat chuna taan make ge tei nsaa de. Rakai tat ling lana  lungning gai mei khou kalai pat mak ge tei gaeng tuang mak ge.

Tiki, chuloumei guai, thailou mei guai tho piu ni etei, piurap tunu the. Tiki chutoulou mak, kathailoumak mei guai tho piu bam ni tuang ham the. Heijaeng rui, Rakai tat ling, baibal pa ling kathai ling bam khang tho nai e.

Mi Rommei latbam khou sabam mei tho mei kathuina Raguang rui kahao mei ta thaingam de. Kazaeng thu, Raguang rui aniu lungining khou hilou the. Aniu si-gai thai mei ran na de. Gaipui taan tanmakna sipui taan tan khang hi-hi tumei ran na the.

Raguang lat kathai mei na hamna piu nina e.

 

ℝ𝕆𝕄𝔸ℕ𝕊 - 𝟛:𝟚𝟠

"Kum thena, Riakdanv piupui paan rui hamhna, lwmpui paan rui aniu ta ravchaptatmei tiswlou the twmei thay the."

Chapter 2:13 khou "piu pui mei" sunina de tu e. Tiki mi latbam khou rui na, "piupuimei" ni Raguang hu khou rachaptatmei panti lung ngam mak ge. "Lum mei" narui rachaptatmei/ nthuimei tisulou e Raguang hu khou.

Sabam mei kiu tho. Mansei khat na se Raguang latdan piu nthui ngam mei mak khe. Heijaeng rui Khrista mansei phaan piu nthui lou tuang the. Thou puni Khrista taanphi tei akhang rui the tuna lum mei tei, Raguang rui kata tihei nthuimei the tuna chaklou puni.

Heijaeng rui aniu rachaptatmei / nthuimei panti lung ni e tei, Khrista taan ta lum khang e. Aniu rana taan khou nganglou mak khang e.

 

ℝ𝕆𝕄𝔸ℕ𝕊 - 𝟜:𝟜

"Taanv taanclou tina tiimei tei thu taanv phy e, hei tei kaipat hamh e; kamei rui ntaanvna laa tuang de."

Ringbam/ Kanloumei hei kaipat re. Aniu rui ntaan ngampui tuang ham mak ge. Heijaeng rui aniu rui, aniu guai tuang taan khou ngang lou lak nina the, tiki, Raguang zaozian ta machun ni na the!

 

ℝ𝕆𝕄𝔸ℕ𝕊 𝟝:𝟙

"Lwmpui paan rui aniu ta ti-nzihlouna Poubauhmei Jisu Khrista paan rui Ravguangc lev aniu kak khou chuzaenghmei nai dat the."

Christian mei guai chuzaengmei nai the tuna sa bam mei ko Raguang le anei kak khou tupui lat re. Mi kandi khou tho katuak mei naibam puni de. Lungning khou ni katuak mei nai muai de. Tiki Raguang le na tho katuak mei mak khe. Kamei rui la lou the, time nzihlou the!

 

ℝ𝕆𝕄𝔸ℕ𝕊 - 𝟞:𝟞

"Aniu paapc bangc sw dat mak khang rui, paapc pumtan tei swmaan khang, aniu tuang karaanmei mei ta tei Khrista lev kros khou thaengcluai kan the twmei aniu thay e."

Khristian su mei guai tho paap ta kahao dat lak ni na the. Karaeng na pak tat ngam khang aniu khou Raguang pumtan (Bumaeng) nai the.

Diangsiak na sa e tei, paap rui kahao mei ta tithei ni na the. Aniu pak tat mei phaan, paap tei aniu khou naplou/ lunglou thyo lak ni na the. Theimei ta msnsei nchiang thao ngam mak kum, paap tei aniu pum khou thei ni na the.

 

ℝ𝕆𝕄𝔸ℕ𝕊 - 𝟟:𝟜

"Chanathiu, nangniw ni hei tei kumhmei tuang e. Riakdanv khou thu nangniw theic tang the; kalam thu nangniw thu Khrista tuang pumc dam akhat di the, khatni Ravguangc khang kathai nthai khang ntaw thu nangniw hei theihmei khou rui ringcthau dat kanmeipu tuang di the."

Aniu guai Khrista tuang di the. Khrista rui kahaomei taan ran na tan ninathe.

 

ℝ𝕆𝕄𝔸ℕ𝕊 𝟠:𝟚𝟠

"Ravguangc rui kata nzianmei, kamei rui ningmei thei layna kawloumei guay khang ramh lam guayna khou gay khang swlou e twmei aniu thay e."

Khristian mei aniu guai ram lam guaina khou lungning gei makna Raguang khou lumgai bam khang nai the. Ningmei thung mal bam sini, gaikhang ranna Raguang rui sulou puni.

 

ℝ𝕆𝕄𝔸ℕ𝕊 𝟡:𝟚-𝟛

"Mi kiu thu, azei khatni azancbangv kahak swmei achana nunc khang ai mpeyna lungh ryanrana khatni nthaekc key thuy makna lungh kabiuna bam e. Kaniw phaan Ravguangc syang phungna Khrista khou rui ganc pat pwsini nuh di the twmei nganvna ning tangc the."

Paul, Khrista ta adi nzian mei pu e. Kamei karam meinun tani nzian ne. Mansei guai na ta Krista rui tho nzian e. Heijaeng rui, Paul rui kaniu guaini Krista thai mei panti tilung ni e.

Kamei Raguang siang khaeng bu khuan ne tei, kapum kan ngam makse kaniu khang rui theilou khaeng lou ni e.

Khrista ta ntaam tuang ham mal ge. Kazaeng thiu, kamei mikum mei phao ko subam pusini, kamei Krista ta nzian, kalum nthaek lak ni pui zaeng rui e.

 

ℝ𝕆𝕄𝔸ℕ𝕊 - 𝟙𝟘:𝟙𝟟

"Kumna lwmmei hei chumei khou rui guang tuang e, chumei hei Khrista ta dinc ndauhmei khou rui guang tuang e."

Lummei lam khou geidou sapat kan the. Mi lummei ko akumna nai kho to tu mei mei latbam khou sa lou the.

Lummei hei pang lum lum rap tutuang ham e. Rachaptatmei tisulou mei ram lum kiu tho, Raguang rui tilum lou tuang de.

Mi kiu Raguang lat chu pui gan khou phang tuang e. Baimei chaeng mal ge. Raguang lat ko tho baibal khou hametei, gaicham din meinun khou rui, hametei Lu (songs) khou rui ni bam nu de. Tiki, Gaicham (Gospel) thuk kajao ni na e.

 

ℝ𝕆𝕄𝔸ℕ𝕊 - 𝟙𝟙:𝟛𝟞

"Kalam thu ramh guayna hei 𝕂𝕒𝕞𝕖𝕚 ℝ𝕦𝕚 damclou tuang de, khatni ramh guayna hei 𝕂𝕒𝕡𝕒𝕒𝕟 ℝ𝕦𝕚 khatni 𝕂𝕒𝕜𝕙𝕒𝕟𝕘 ℝ𝕦𝕚 nai bam tuang de. Hymdaihmei hei Ravguangc khang tingsaeng sw diu! Amen."

Ramguaina hei

Kamei rui

Kapan rui

Kakhang rui e!

Ranguang tikgun, kahym, kangam kiu mi latbam khou nai the!

 

ℝ𝕆𝕄𝔸ℕ𝕊 𝟙𝟚:𝟙𝟞

"Nangniw khat khat khang kadan thay o. Daihlwn sw riu; lungcsimei nunc pam sw o. Nang rana nang ta ningtyngmei the twna ramhsuath sw riu."

Ram gailiang mei ta tho phang khang, tan khang, karam nina e tiki, dairiu sumei tho sulaknina e.

 

ℝ𝕆𝕄𝔸ℕ𝕊 𝟙𝟛:𝟙𝟜

"Khrista ta rihpwan piu kumcna piu tho, kumna meic pumc tuang kahawmei tiguang tangh sw dat ri tho."

Aniu guai puan gaimei piu ni mei ran na de. Khrista hei gailiangmei puan e. Tingmik kathui, kagan kathui khou gailiang mei the.

 

ℝ𝕆𝕄𝔸ℕ𝕊 𝟙𝟜:𝟝

"Meic gaanvsaekc rui tingmik akhat ta baihmei ta suangc nthukmei swna kakhanh e, khatni meic gaanvsaekc rui tingmik guayna nchamc de twna kakhanh e. Meic kathuicna katuang katuang lungning khou kakhanh chuyna kakhanh o."

Aniu lungning thang rui nuthe, nchum the, tuna ning mak na tanmei taan guai paap the. Laanmei ta ko tho, nchum the tuna ning bamni lanthe. Tiki, thaisiang mak mei guai khou tho, laanthe tuna lumlaki taan re tei tho paap the.

 

ℝ𝕆𝕄𝔸ℕ𝕊 𝟙𝟝:𝟙

"Tanhmei aniu rui suanmei nunc tuang puatrith tei phungc nkhavlou nina e. Aniu rui aniu rana ta tipian khang sw lak nina e."

Nkhakari thai kho!

 

ℝ𝕆𝕄𝔸ℕ𝕊 𝟙𝟞:𝟙𝟟

"Chanathiu, kalangv patmei nunc khatni nangniw khou dincloumei riakdyn tei hamhmei rui meic nunc tuang lwmmei ta tiphaysuy bammei nunc khou tei rui ramhthayna bam o, kumna kaniw khou rui ducna bam o."

Khaengthaimak na bak khang hihi mei guai thei lai tat lak nina the

Rongmei Bible Reading Reflection from Mark 1-16

 [Originally posted in a WhatsApp group (BRU) as a daily reading update (reflection) from each chapter of the Bible]

[16:58, 02/10/2022] S. R.:

𝕄𝔸ℝ𝕂 𝟙:𝟛𝟝

"Jisu laukhwan khwanzingh tinggaanc riu mak khou rui thauna rimh rimpui bamv thangc tat patna huayney the."

Aniu guaini huainei mei panti su na lung khang nai the.

 

𝕄𝔸ℝ𝕂 𝟚:𝟟

"Mi pu hei tabui zaeng rui mi kumna sa tu cho? Kamei hei Ravguangc ta thouhsw makpui tuang di the. Ravguangc na hamhna thow rui paapc kuaklou ngam nina cho?"

Paap tumei guai hei Raguang ta (hukhou) lanmei guai ta e. Heijaeng rui, Raguang narui kuaklou bu e.

Manseita tho laanlou bam tini, sikkhang se tan khang ngam thui lak e. Raguang tho ngampari ri e.

 

𝕄𝔸ℝ𝕂 𝟛:𝟛𝟜

"Khoutei kadaeng dungc haengv bammei nunc ta tei zauc kari haengvna kamei rui sa the, 'Zauclo, mi hei apui khatni achaic akainac nunc the!'"

Khrista hei aniu Raguang na ham the. Aniu chana ni the. Mikiu tho, aniu ni Raguang na nun di the bumaeng khou.

 

𝕄𝔸ℝ𝕂 𝟜:𝟛𝟡

"Khoutei kamei thauna puanzingh ta tei luhna, 'Reih rei o! Rimh rim o!' twna zeihlat khou tei sa the. Khoutei puanzingh tei nthaekc kan the khatni nchwng rimh rim kan the."

Doulanei, Asei, tingsaeng zaeng Jisu ncham e. Atao ni aseini ngam pri pri tan e.

 

𝕄𝔸ℝ𝕂 𝟝:𝟙𝟡

'Tiki Jisu rui nuhlou mak khe. Kumna kakhou sa the, 'Nang kai thangc tat tho kumna Poubauhmei rui nang khang heizu taanclou kanmei tei khatni nang ta nzianloumei hei nang kai kaikhunhmei nunc khou raclou ti tho.'"

Mansei guai na tei kabam bai bai na Khrista rui aniu ta kaolou e. Asaek ta duipaeng ginram thang, asaek ta kailuang khou.

 

𝕄𝔸ℝ𝕂 𝟞:𝟙𝟙

"Tiki nangniw ta laalou makmei khatni nangniw lat nkinglou makmei bamv khou tei thu, mi khou tei rui nangniw tat pat dat ni khou kaniw ruc khou sakhi khang nangniw phaypav niang kadiw keylou duc o."

Raguang lat chuzi lalouzi mei guai tho sansi mei the. Mitei lian lou ni na e. Kaniu kum mei tei rui lunglai nu e ta.

 

𝕄𝔸ℝ𝕂 𝟟:𝟙𝟝

"Maansei ta kapaengc thangc rui gutmei puat rui sw mphuam mak ge; tiki kalungc khou rui patmei tei rui kata sw mphuam tuang de."

Aniu kapaeng khou na hougai khang su makna lungning tho rui gai khang suni na e. Lunliak, kheiliak, tu-jang mei, latsa, kaguai na khou.

 

𝕄𝔸ℝ𝕂 𝟠:𝟛𝟠

"Thow pw ni alam khou khatni alat lam khou mi ravchap tat makmei khatni paapc padikmei meikin khou hei zakpui mei lam khou tei Meic Nac Mpouh rui ni kamei nthanmei kauh baanchara nunc ta nduanghna kapu tuang hymdaihmei khou key pwkhou zak puni."

Khristian sukhang jak rikho. Gaitan tankhang jak ri kho. Zak etei aniu sansi mei e.

 

𝕄𝔸ℝ𝕂 𝟡:𝟜𝟙

Thow pw ni nangniw Khrista mei e twpui zaeng rui nangniw ta dui chu buangc na sini tizangvlou e thei, ai rui nangniw khou kaling siakna sa tuang e: katuang swan khat sini maan dat mak khe."

Khrista mei ding the tuna khat khat ta nkha kari mei san ram gai ko heithe! Suan amaan dat lak khe.

 

𝕄𝕒𝕣𝕜 𝟙𝟘:𝟚𝟡-𝟛𝟘

"Mundawna Jisu rui sa the, 'Ai rui nangniw khou kaling siakna sa tuang e: Thow pw ni akhang rui khatni gaychamv khang rui kakai kalau, kachaic kakainac, kapui kapu, khatni kanac ta gancloupui mei tei, mi panty khou ni rairiumei lev kazauhna kai lau, kachaic kakainac, kapui kapu, khatni kanac kadam phay khatni guang nimei panty khou ringcsuangmei laa puni.'"

Khrista thei lai mei guai khang tho suan nai the.

 

𝕄𝕒𝕣𝕜 𝟙𝟙:𝟚𝟝

"Nangniw huayney khang ding bampui ganv khou thowkumhmei ruc khou nangniw lungh nuancloumei tuang nai e thei, hei tei kuaklou o, kum e thei tingkauh thangc bammei nangniw Pu rui ni nangniw tuang twan lyammei guay kuaklou puni."

Aniu kuaklou thai khang nai the!

 

𝕄𝔸ℝ𝕂 𝟙𝟚:𝟜𝟜

Kalam thu baihmei guay tei thu mpeyna naimei khou rui tii tuang de, tiki mi pui hei thu karam lungcsi khou naimei kapwm, kamei tu nimei phaan tii tuang e."

Lungaimei lungsimei; geimei raomei, tuna aniu sabam mei hei meiram chak chak khou rui e. 100 khou 50 hei tho rao mak khe, tiki 1000 khou 50 tho rao ding the!

Raguang khang ti mei heini aniu chak chui nina the. Kum mak getei aniu rianra puni.

 

𝕄𝔸ℝ𝕂 𝟙𝟛:𝟙𝟙

Kumna kaniw rui nangniw ta nymna latzan kai khou zay guang pwkhou tabui lat sa nina cho twna lungh ryanra rey bam nangh e. Kadyng kadyng khou tiiloumei tei nangniw sa o. Kalam thu sa nimei hei nangniw hamh e, Bumaengh Nthanmei rui sa puni de."

Raguang rui aniu ta nduanglou ni tingsaengzaeng.

 

𝕄𝕒𝕣𝕜 𝟙𝟜:𝟞-𝟟

"Khoutei Jisu rui sa the, 'Kanyng sw kan dio. Tabui swna nangniw kata sw kaguakc bam tu cho? Kamei akhou gaypui taanv taanclou tuang e. Kalam thu lungcsimei nunc thu nangniw lev bam nchamc tanh tan bam puni de, kumna nangniw rui swlou nii niipui ganv khou kaniw khang gay taanv taanclou nuh de. Tiki ai thu nangniw lev bam nchamc tanh tan bam ni tu hamh e.'"

Lungsi lungrou meita nkha lou meini gai pui tuang de, tiki Raguang khang katpat lou mei taan ni nai ni mei thou e.

 

𝕄𝕒𝕣𝕜 𝟙𝟝:𝟝

"Tiki Jisu lat baihmei daw katwan mak khe. Khoutei Pilat tei ngak the."

Lat samakna rei rei khaeng mei hei ni gai pui tuang e.

 

[11:37, 18/10/2022] S. R.: 𝕄𝕒𝕣𝕜 𝟙𝟞:𝟛-𝟜

"Khoutei, “Tarou kaimun tauc tei thow rui aniu khang thui patlou nina cho?” twna kaniw sa bam khwan e. Tiki kaniw zauc pwkhou, hei tei luangc patlou bammei ta kaniw how the. Mi tauc tei daic sih khwan e."

Tarou kaikham lanloumeitei Khrista khang lanlou tuang ham mak ge. Ntumei guai gut na jao kandiu khang lan lou tuang e.