Rongmei Bible Reading Reflection from 1 Peter 1-5

 [Originally posted in a WhatsApp group (FG) as a daily reading update (reflection) from each chapter of the Bible]

𝕀 ℙ𝔼𝕋𝔼ℝ 𝟙:𝟞-𝟟

"Nchanvmei kazaat azuh ariwna matak khat khang nangniw ryanra bam pwsini, mi khang hei rui nangniw neihla bam o. Mi nchanvmei hei thu nangniw ramlum tei kalyng bammei tuang e. Maan kan nimei kachaekc ta sini kalingmei pat khang mai ntei e. Hei tei kumcna kachaekc khang suangc kunghmei nangniw ramlum tei kalingmei sw khang kalyng ni tina di the. Mi hei Jisu Khrista ta ndauh patpui nungc kiu thuanckuloumei, hymdaihmei khatni champouhmei nangniw laatow khang e."

Aniu panti khou nchanmei guang mei hei, aniu ram lum ntip the tumei lian khang e (v7) Abraham, Job ram lum hei nchanmei guang mei gankhou, kanei ding ntip the, kumna mi nchanmei tei rui, kanei ram lum katip mei ta lian the!

Heijaeng rui, nchanmei tumei hei aniu khang gai pui tuang the. Nang-ai rachap tat chui bam dai, lumnumei lunlung khou lung bam dai, tumei hei nchanpui gan khou rui thai e. Heijaeng rui, nchanmei guang mei gan khou neila thai nina e. (v6)

Ai Rarui lalou nu mei panti khou lung bam cho bammak cho tumei nsi-sing mei thai mak etei, aniu adi rup-rup, zaeng si mei panti cho ni!? Exam pass suni fail suni tumei aniu thai ni de. Ase gan tugai mei tu puni, tusi mei tu puni tuna thai ni na "Kum mei gan suang tha?" tuna aniu than e. Kachaek dum khuaitou e ta ni, kaling mei kachaek ni kakiau mei kachaek cho tumei aniu thai ni puni. Heikum e ta tho, aniu ram lum, exam, gan, kachaek khang suang nthuk meita aniu thai ji bam ni nacho.

He Araguang, nchanmei guang pui gan khou, katuak mei pat padik mei gan khou, rianra mei guang pui gan khou, phaisui mei guang pui gan khou, lunging ntaam, lung puam, lungning si tumei phaan, nang zaozian ta chak thai na, nang khou lumna, ti zaeng gai thai lou o, Amen!

 

𝕀 ℙ𝔼𝕋𝔼ℝ 𝟚:𝟙𝟟

"Meic guayna ta chakhwang sw o; chana punav ta nzian o; Ravguangc ta ping o; khatni guanghdaihmei ta kangam kaziu sw o."

ᴍᴇɪ ɢᴜᴀɪ ɴᴀᴛᴀ ᴄʜᴀᴋʜᴜᴀɴɢ sᴜ ᴏ ᴛᴜɴᴀ sᴀ ᴇ. ᴋᴀᴊᴀᴇɴɢ ᴛʜᴏ ᴍᴇɪ ɢᴜᴀɪ ɴᴀ ʜᴇɪ ʀᴀɢᴜᴀɴɢ ʟᴜɴ ʟᴜɪɴᴀ ᴅᴀᴍʟᴏᴜ ᴛɪ ɴᴀ ᴇ. ᴀɴɪᴜ ɢᴜᴀɪ ᴛʜᴏ ʟᴜɴɢɢᴀɪᴍᴇɪ ᴛᴀ (ʀɪᴄʜ) ᴛᴀ ᴄʜᴀᴋʜᴜᴀɴɢ sᴜ ᴇ, ᴛɪᴋɪ, ʟᴜɴɢsɪ ᴍᴇɪɴᴜɴ ᴛᴀ ᴛʜᴏ ᴍᴀʟᴀ ᴇ. ɴɪɴɢᴛɪɴɢ ᴍᴇɪ ᴛᴀ ᴄʜᴀᴋʜᴜᴀɴɢ sᴜ ᴇ, ᴍᴘᴀɴɢ ᴍᴇɪᴛᴀ ᴍᴀʟᴀ ᴇ.ᴍᴘᴀɴɢᴍᴇɪ ᴛᴀɴɪ, ʟᴜɴɢsɪᴍᴇɪ ᴛᴀɴɪ, ᴋᴀᴋʜᴇsɪᴍᴇɪ ᴛᴀ sɪ ɴɪ, ᴀɴɪᴜ ᴍᴀʟᴀ ʟᴀᴋ ɴɪ ᴛᴜᴀɴɢ ᴇ!

ᴛʜᴏᴜ ᴍɪ ᴠᴇʀsᴇ ᴘᴀɴᴀ ᴋʜᴜᴀɪ ᴍᴀᴋ ᴍᴇɪ ɴᴀɪ? ᴍᴘᴀɴɢ ᴍᴇɪᴛᴀ, ʟᴀᴛɢᴀɪ sɪɴɪ sᴀʟᴏᴜ ɴɪ ᴍᴀᴋ ᴅɪɴɢ ᴇ.

𝙷𝚎! 𝚉𝚊𝚘𝚣𝚒𝚊𝚗 𝙺𝚊𝚒𝚙𝚘𝚞, 𝙽𝚣𝚒𝚊𝚗 𝚝𝚑𝚊𝚒𝚖𝚎𝚒, 𝚔𝚑𝚊𝚝𝚗𝚒 𝚗𝚗𝚒𝚊𝚖 𝚝𝚑𝚊𝚒𝚖𝚎𝚒, 𝚊𝚕𝚞𝚗𝚐 𝚔𝚑𝚘𝚞 𝚝𝚒𝚙𝚊𝚍𝚒𝚔 𝚕𝚘𝚞 𝚘. 𝙰𝚖𝚎𝚗!

 

𝕀 ℙ𝔼𝕋𝔼ℝ 𝟛:𝟙𝟟

"Nkhuaimei taanhmei suangc, Ravguangc rui ningmei e thei, nchumhmei taanhmei khang ryanra khaengv kanmei rui gay e."

Aniu guai tho 'titna' nkhuaimei, taan na, sian-lan padik ni e. Titna nkhuaimei, taan na, exam result gai ni e. Matak tak tho, peina nkhuaimei se taan khang hihi the. Mi verse ruina tho, rianra khaengmei rui gai e. Kajaeng thu: verse 15 khou tei salou kan mei ta the, "Tiki Khrista ta nangniw kaipouc e twna nangniw lung khou chakhwang sw o."

Raguang ta pingna lung mei, khatni kakhou nganglou pui mei khang ta ,  v12 "Kalam thu Poubauhmei thu ravchaptatmei nunc ta zauc bam e, khatni kaniw huayneymei chulou bam e; tiki simei taanhpui mei ta kamei zauc zih e.”

Khrista Zaozian khou pumtan lathai mei nun su kho!

 

𝕀 ℙ𝔼𝕋𝔼ℝ 𝟜:𝟙𝟝-𝟙𝟞

"Meicdowmei, kaihouhmei, simei taanv taanhmei khatni meickai taanv khou baanh numloumei zaeng rui ryanra khaengvmei thu sw rio. Tiki nangniw Khristamei swpui zaeng rui ryanramei ariw e thei, mi khang tei zak rio; tiki nang ta Khristamei twmei zanc hei kawlou the twna Ravguangc ta thuancku o."

Peter book khou rianra khaengmei hei gai e, kumna neila thai o tuna sa bam mei ko, nchum pui taan khou rui rianra khaengmei ta e. Aniu sipui taan, laanmei, taan tikhou rui rianra mei ta sabam tuang ham e!

Laanmei taan na rianra mei nun tho, lunging kalai na, nchummei taan dat khang e. Raguang rui Khristian mei nun ta riap lou e laana taan pui gan khou (Hebrews 12:6). Heijaeng rui, Khristian mei nun tho Rarui riap lou mei ta ni suaihiam the tuna la ni tuang e.

Khristian panti tho: Nchumna lung e tei, rianra mei guang nu; Laanna lung e tei ni, rianra mei guang nu. Tiki, kanei mei gaipui tuang ran na di the!

Raguang ta machun mak mei nun tho adi kam rianra punicho, mikandi khou na hamna, guangnimei panti khou kiu!

 

𝕀 ℙ𝔼𝕋𝔼ℝ 𝟝:𝟙𝟘

"Matak khat mi kumna ryanra khaengvloumei tangv, Khrista paan rui katuang tingsaeng hymdaihmei laa khang nangniw ta kanloumeipu, zauzian guay Racguangc kamei rui, nangniw ta ti-nthuihlou puni, sw ntiplou puni, titanclou puni, khatni tiding ntiplou puni."

ESV version khou: " . . . Christ will Himself restore, confirm, strengthen, and establish you." Adi charinmei latrian cho! Khrista kahakrui ko mi kumna ko taanlou puni e ta tho, tabuicho aniu khaeng ngam lak ni mei ko? Kumtina the, khaeng thai o, ryanra khaengmei gan khou, neila thai o tuna sabam mei ko.

Aniu lungpuam bam tini, kanloumak; nin-bamtini kanloumak; siangdan siangdu bam tini kanloumak; aniu ta kanloumei kiu thu, Raguang khou nganglou mei the (v6-7). Kanloumei na hamna aniu ta zaithaolou puni tu e!

🅡🅔🅥🅘🅔🅦

1Peter book khou rianra kkhaengmei lam khou hilou the!

1. 𝚁𝚒𝚊𝚗𝚛𝚊 𝚔𝚑𝚊𝚎𝚗𝚐𝚖𝚎𝚒 𝚑𝚎𝚒 𝚐𝚊𝚒 𝚎. (𝙲𝚑𝚊𝚙𝚝𝚎𝚛 1)

2. 𝚁𝚒𝚊𝚗𝚛𝚊 𝚔𝚑𝚊𝚎𝚗𝚐𝚖𝚎𝚒 𝚐𝚊𝚗 𝚔𝚑𝚘𝚞 𝚗𝚎𝚒𝚕𝚊 𝚝𝚑𝚊𝚒 𝚘. (𝚌𝚑𝚊𝚙𝚝𝚎𝚛1)

3. 𝚁𝚒𝚊𝚗𝚛𝚊 𝚔𝚑𝚊𝚎𝚗𝚐𝚖𝚎𝚒 𝚐𝚊𝚗 𝚔𝚑𝚘𝚞 𝚁𝚊𝚐𝚞𝚊𝚗𝚐 𝚔𝚑𝚘𝚞 𝚗𝚐𝚊𝚗𝚐𝚕𝚘𝚞 𝚘 (𝚌𝚑𝚊𝚙𝚝𝚎𝚛 5).

Rongmei Bible Reading Reflection from James 1-5

 [Originally posted in a WhatsApp group (FG) as a daily reading update (reflection) from each chapter of the Bible]

[10:52, 5/12/2021] S.R: 𝕁𝔸𝕄𝔼𝕊 𝟙:𝟙𝟡

"ɴᴢɪᴀɴᴍᴇɪ ᴄʜᴀɴᴀᴛʜɪᴜ, mi hei ningtow o! Meic kathuicna chumei khou katumc o; tiki 𝕤𝕒𝕞𝕖𝕚  khou khatni 𝕝𝕦𝕟𝕘𝕙 𝕡𝕦𝕒𝕞𝕙𝕞𝕖𝕚 khou 𝕟𝕫𝕒𝕖𝕟𝕘 o."

Aniu teipum-zanpum, paap kandi khou tho, lung-puam mei khou, latsa-mei khou katum the. Lat tho chu se chu ni mak khe, nzaeng meilat se sabam purio, chuzi daek the.

Gaihak pui lat kum na "Alung ram puam" tuna se sa rap rap the.

Lungpuam mei lian e thei nchum ti na the tuna lian rap rap mei maeng the tuna mi kandi khou la bam gei kum the. (Anger and vulgar expressions are considered to be an expression of genuineness, and used them to impress upon people. How corrupt the world is!)

Rianra meigan khou ni, nthiam mei gan khou ni, kagan kathui na khou, , khaeng thai na (self-control) lung o tu e.

Network nase si mai rap tu e tei, aniu tho Ningsum pat nuang tu the! "James 1:19 tuna" khat khat ta sa karina tiningtou bam khang nai the!

 

𝕁𝔸𝕄𝔼𝕊 𝟚: 1, 9

v1. "Achanathiu, nangniw Hymdaihmei Kaipouc, Jisu Khrista khou lwmmei nunc swna, meic nunc ta zawkhu zawru zaucna sw rio."

v9. "Tiki nangniw rui meic nunc ta zawkhu zawru zaucna sw e thei, nangniw nkhuaimei e; kumna nangniw Riakdanv twan lyammei nunc e."

Meiram mei ta zaukei, gansaek ta zauku tumei hei mansei guai na khou nai timei tho, James rui na zaukei zauku rio tuna katiu lou e.

Aniu baibai mei khou nthui khang karam bam se, mitun hei ni karam mak ge thei, latdan piu mak mei the.

 Nthiammei paap, daimei paap Raguang hu khou tho mak ge. Paap thai tho theimei tumei di the. Eden Pikuan khou Tingthai tulou mei paap zaeng khou rui na se, mei kathui ta theimei dandi ti e ta, bai bai mei paap tho adi nthuk kan cho. Kakhan kho! Paap tumei guai ta Ra rui nu mak ge.

Aniu, ram kathui khou, nthui khang karam khang nai e.

 

𝕁𝔸𝕄𝔼𝕊 𝟛:𝟙𝟛-𝟙𝟠

v15"Mi kumhmei ningting tei thu tingkauh thangc rui key tuang hamh e; mbaanv tuang de, ravchaptat makmei tuang de, ravsic tuang de."

ɴɪɴɢᴛɪɴɢ ᴊᴀᴛ ᴋᴀɴᴇɪ ɴᴀɪ ᴛʜᴇ:

Kandi Ningting le Tingkao Ningting nai e.

Rasi (Satan) khou rui guangmei Ningting le Raguang khou rui guangmei Ningting nai e. Agai-agi mei Ningting le Rachaptat mei Ningting nai e. Kakhang khang na ningmei Ningting (v13) le Katun khou na tat mak mei Ningting (17)

List hi kei padik bam khang nai e. . .

Q. Aniu tabui Ningting tha nai mei?

Q. Aniu tabui Ningting cho ntaan bam mei?

Q. Aniu tabui Ningting tha James rui nai o tubam mei?

2𝚗𝚍 𝚌𝚊𝚝𝚎𝚐𝚘𝚛𝚢 𝚔𝚑𝚘𝚞 𝚖𝚎𝚒 𝚝𝚞𝚊𝚗𝚐 𝙽𝚒𝚗𝚐𝚝𝚒𝚗𝚐 𝚝𝚊 𝚝𝚑𝚎.

 

𝕁𝔸𝕄𝔼𝕊 𝟜:𝟙𝟟

"Nchumhmei tei thayna taanh makmei tei paapc be."

Laanmei taan meina paap ham the. Nchumhmei taan mak mei ni the!

Simei taan makmei na sumakna, gaimei taan ne taan mei ta tua (ought to). Simei lat sa makmei na su makna, gaimei lat ni sa khang. Nkhuaipui lat sa makmei na sumakna, nchumhmei lat ni sa khang.

"Athuan adou mitaan taan puni" tuna samei se, gaengsu, ramkhe sumei e; heita gan louna (sa mak na), Raguang khou nganglou o tu e (v13-17).

 

𝕁𝔸𝕄𝔼𝕊 𝟝:𝟙

"Lungcgaymei nunc, nangniw nking o! Nangniw ruc khou keylou punimei ryanra ryanriumei khang tei rui kangiuhna kap la tho."

Lungai Chingkhu mei simak ge, paap ham mak ge. Abraham, Job, David, Aritmathea meipu Joseph, heinun guai hei lungai mei nun de.

Naiphai Naibu mei nun ta sa bam tuang e. Aniu khang kage naimei, khang suang nliam nla na nai laki, zaozian thai mak, kaphi-kadam ti chui ri mak, gaitaan taan padika mak, tumei nun ta sa bam tuang e (v1-6)

 Gaansaek aneikhang suang lungsi mei guai tho, anei ta ni lunggai the tuna jao bam nu e. Zaozian thaimei, tipat thaimei, gaitaan padikmei su ni na the, aniu rui ngam pui kam. Bill Gates kum, Mukesh Ambani kumna lungai bam mei nun khang na ham the!

Rongmei Bible Reading Reflection from Hebrews 7-13

[Originally posted in a WhatsApp group (FG) as a daily reading update (reflection) from each chapter of the Bible]

𝕀𝔹ℝ𝕀𝕄𝔼𝕀 𝟟:𝟚𝟠

"Riakdanv rui nthuih makmei maansei ta tingkuh suanglou e; tiki Riakdanv tangv guangmei syangdyng swloumei latryan rui tingsaeng khang ti-nthuihloumei Nac Mpouh ta suanglou e."

Old Testament khou, kadai suna, Leviticus pa e tei, Ibrimei 7 khou hilou bam mei thai diang puni. Aniu paapmei Raguang hu khou guang nu mak ge. Kakhuai nai mei pu tho kamei laanlou mei pu hu khou guang khang ping the, kajaeng tho kata bai-dap e ta tho tuna.

Heijaeng rui mediator kage nai the. Priest (Tingkuh) hei aniu paap su nthan lou mei taan tan na Raguang hu khou aniu ta phung guang lou tuang e. Tiki, mansei rui mediator su e ta nthui mak ge, kajaeng tho kamei ne paap mei muai the.

Nthuimei pu rui mediator su pukhou nthui hian puni. Heijaeng rui, Khrista, paap mak mei pu rui aniu tuang mediator su lou tuang the. Kamei hei, Levimei hametei Aaron kikta khou rui kei mei mediator (priests) nun khang suang nthui hian the. Kaling mei Priest, Tingkuh ko Khrista the.

Heijaeng rui, ai Raguang hu khou pingmak na guang nu the kalam thu, Khrista rui Raguang hu khou saji-taanji pui guai luai lou ngam the!

 

𝕀𝔹ℝ𝕀𝕄𝔼𝕀 𝟠:𝟟

"Reymei latdyng tei nthuih khwan e thei, kaneimei latdyng kage nai dat lak ni tuang e."

Reimei latding tei, OT (Mousi tuang) khou latding ta the. Kaneimei latding hei Khrista khou the. Khrista khou guangmei latding rui nthui hian the. Judaism khang suang Christianity rui nthui the.Siangna sa e tei, reimei latding ruina kanei mei latding phung guang lou e.

Christian su mei adi gai cho! Nthui mei rachap ko the.

 

𝕀𝔹ℝ𝕀𝕄𝔼𝕀 𝟡:𝟚𝟚

"Kumna Riakdanv thei layna ramh guayna zei rui sw nthan e. Zei key makna paapc kuaklou mak ge."

Adam le Eve ta suluai mak na khouring zei kei lin the. Abel tuang puatkat ne kamei thei mak khang khouring zei kei lin the. Nouha ni duithum meitang, khouring zei keina Raguang ta kalum the. Israelmei Egypt kanpat mak khou ta ni, kaikham khou lauziu zei nteilou khuan e.

Zei hei adi nthuk cho. Tiki, khouring zei rui tabui suna mansei ta kanlou nu cho? Khouring tho mansei khang suang keihak mei dike. Milam tei v1-21, khatni 22-28 khou hilou the.

Khouring zei rui mansei gan khat na ta si, kanlou mak ge. Tiki, Khrista zei keilou ni mei ta madan na sui tuang e.

Lao guai bou kei khou, kap mak na bam mei se, zei pat re tei, hou la na kap dat re. Zei hei, spiritually, theologically, psychologically, hei peina khang kathuk nai e.

Khrista akhang kazei kei lou na su nthan lou the. Kamei theimei hei ai ring diu khang the.

 

𝕀𝔹ℝ𝕀𝕄𝔼𝕀 𝟙𝟘:𝟙𝟡

"Hei zaeng rui, chanathiu, aniu Nthan Liangmei Bamv khou gut khang Jisu zei paan rui khamv namv tuang nai dat mak khe."

Lummei kathui Raguang hu khou khuai mak khe. Kahu khou ping tuang makna guang nu the.

Catholic meinun rui, Father hukhou confession subam meita kaba mak tuang the. Khamthingphei lagan lou ki, kaniu rui daeng thao dat bam tuang the. Aniu Raguang hukhou kuaklou khang guang nzut phut nu the. Tiki, mansei rui kuaklou khang, mansei hu khou confessions sumei gan ni thu nai e. Aniu khuai phung ngam mak pu khou mei ram mei hu khou ra ndao pat mei ni nai e. Tiki, Raguang le aniu kak khou tho thingmei mak khe!

Adi charin cho Khrista taan hei!

 

𝕀𝔹ℝ𝕀𝕄𝔼𝕀 𝟙𝟙:𝟞

"Lwmmei maekna thu Ravguangc ta tipian ngam mak ge. Ravguangc daeng khou guang nimei guay, Ravguangc nai e khatni kakhou guangmei guay khang tiilou e twmei lwm nina e."

Aniu Kanloumei/Ringbam hei lamei ni Lummei pan rui e.

Tao tao Christian panti hei ni Lummei panti e.

Raguang hu khou guangna Rakalum meini, Lummei rui e.

Raguang ta tipian khangni Lummei rui e.

Raguang lat piu khang ni Lummei rui e.

Christian panti neila zaeng gai khang ni Lummei rui e.

Puanthan mei khourui Tingkao nzuan tang maksan, Lummei panti e.

Aram lum ti kasuan lou o, Amen!

Hymdai Lu 406,

 𝙰𝚒 𝚕𝚠𝚖𝚖𝚎𝚒 𝙽𝚊𝚗𝚐 𝚔𝚑𝚘𝚞 𝚍𝚎,

𝙺𝚊𝚕𝚟𝚊𝚛𝚒 𝙻𝚊𝚞𝚣𝚒𝚞 𝙽𝚊𝚌,

𝙶𝚞𝚕𝚘𝚞𝚖𝚎𝚒𝚙𝚞;

𝚌𝚑𝚞𝚕𝚘𝚞 𝚘, 𝚊𝚒 𝚑𝚞𝚊𝚢 𝚎,

𝚔𝚞𝚊𝚔𝚕𝚘𝚞 𝚘, 𝚊𝚔𝚑𝚞𝚊𝚢 𝚐𝚞𝚊𝚢,

’𝚜𝚎𝚒𝚌 𝚔𝚑𝚘𝚞 𝚛𝚞𝚒 𝙽𝚊𝚗𝚐 𝚔𝚑𝚊𝚗𝚐 𝚗𝚊

𝚊𝚒 𝚕𝚞𝚗𝚐𝚌 𝚗𝚒 𝚝𝚑𝚎.

 

𝕀𝔹ℝ𝕀𝕄𝔼𝕀 𝟙𝟚:𝟙𝟜

"Meic guayna 𝕔𝕙𝕦𝕫𝕒𝕖𝕟𝕘𝕙𝕟𝕒 lungc bam khang khatni ℕ𝕥𝕙𝕒𝕟𝕞𝕖𝕚 𝕡𝕒𝕟𝕥𝕪 khou lungh khang karamc o. Kalam thu mi kumcna lungh mak ge thei, gaanv khat na sini Poubauhmei ta how ngam mak ge."

Raguang hei nthanmei Raguang e. Aniu ni kakum nthan nina e kadaeng thang lung ni ye tei.

Aniu nthan ni e tuna sabam tini, kakhan bam tini, Khrista na rui tithan lou e. Bumaeng rui lumloumei kathui khou lung lou na [indwelling], paap khou rui ni zai duaklou e.

Khrista rui suthan lou e tei, Bumaeng rui zailou e tei, Raguang rui kadaeng khou lung khang kao lou e tei, nthanmei panti lung bam puni.

Nthanmei panti suina, karamna lung mak e tei, Khrista ngam tei aniu thai mak khe.

Hymdailu 325

Nang ta luic nii e! Nang ta luic nii e!

He Thuakloumeipu, Nang kumc ’than khang!

Nang ramgai akhou gut padiklou o,

Nang maengc naplou tho, alung khou hei.

 

𝕀𝔹ℝ𝕀𝕄𝔼𝕀 𝟙𝟛:𝟝

"Syan agaamvna lungc lak nina e; nang khou naimei khou tei pianna lungc o. Kalam thu, “Ai nang ta mpatlou lak ge, ai nang ta ganc nrulou lak ge,” twna Ravguangc rui sa e."

Tukhang nai, piukhang nai, ziploupui bam nai tu e tei pian thai khang su nu the.

Taan tan mak na bam o tumak ge. Sian agam rio tu tuang e. Lung gai rio tumak ge, sian agam rio tu tuang e! Sian invest su rio tu mak ge, Sian saving su rio tu mak ge, Sian agam rio tu tuang e.

Geina agam rio tuna sa mak ge, titna bam ni, gei bam ni Sian agam rio tu e. Pianthaimei khatni Raguang khou ngangloumei hei rui Sian padik mei suang nthuihian gaihian e!

Rongmei Bible Reading Reflection from Hebrews 1-6

[Originally posted in a WhatsApp group (FG) as a daily reading update (reflection) from each chapter of the Bible]

[22:17, 5/17/2021] S.R:

𝕀𝔹ℝ𝕀𝕄𝔼𝕀 𝟙:𝟙-𝟚

"Reydouc tei thu Ravguangc rui kathak baih baihmei mpeyna khou, aniu pupouc nunc khou, muhzwng nunc ta tisalou khwan e; tiki mi nkhamhmei ganv khou hei thu, aniu khou, Kanac Mpouh ta tisalou the. Mi Nac Mpouh hei, Ravguangc rui kapaan rui mbaanv damhmeipu, khatni nkhamh khou Ravguangc rui ramh katana kakhou tiilou nimeipu e."

Souri hei Apple thai lim tu khang sijin e; mansei ta ni suluai nu e. Mi kum na, Bible lat hei ni, nchum mei khou sijin, laan na ne sijin tumei hei padik the.

Gaansaek rui, mi verse palana kum sa e, "Jao ti tho. Raguang rui aniu khang kathiak bai-bai na sa lou e tu e. Heijaeng rui, tao ni sabam mei guai ta lum khang nai e."

Tiki, mi verse rui samei tho, kadat dik the: Raguang rui rei khou salou khuan e, tao tho Khrista khou di the. Khrista khou hamna baimei khou sadat mak khe tupuilat e. Rei khou ko se, muzung nun khou de tupuilat; tao tho muzung nun ne mak khe.

Thou puni Khrista ta thai e tei, Khrista khou lung bam e ta, Khrista lat piu bam e tei, gaat tuang mak khe. Kamei hei ramguaina kaipou di the!

 

𝕀𝔹ℝ𝕀𝕄𝔼𝕀 𝟚:𝟙𝟞

"Kalam thu kamei rui nkhavloumei hei kauh baanchara nunc ta hamh e; tiki nthanmei latrik rui, “Kamei Abraham kikta guay ta nkhavlou e,” twmei hei kachangcpui lat re."

Kaubaanchara guai khang ne Kanloumei mak ge, Khouring guai khang ne mak ge; Mansei khang na the Kanloumei tumei nai mei, Mansei ko se lumloumei nun khang na the.

Baanchara aju ta dandi ti, khatni tidat puni tu e tei; khouring guai mut ngam puni e tei; thingbang guaini mut ngam puni e tei; lumlou mak mei mansei, Kanloumei ta ntaam na kakhan pui mei, Raguang ta thou oi mak mei nun ta, Raguang rui tukumna sumut lak nina cho!?

Raguang hei adi charin cho; ai, mansei hei adi nthui mak cho tumei hei, thulah lapat lagut mei kumna, ningtou tan tan bam khang nai e.

 

𝕀𝔹ℝ𝕀𝕄𝔼𝕀 𝟛:𝟙𝟚-𝟙𝟛

"Chanathiu, nangniw thowkumhmei khou simei khatni lwm makmei lung naina, hei tei rui nangniw ta ringhmei Racguangc khou rui sᴡ ɴᴛᴀᴍᴠʟᴏᴜ ᴍᴀᴋ ᴋʜᴀɴɢ ᴋᴀsɪᴀᴛʜᴛʜᴀʏ ᴏ. Paapc tuang guatmei rui nangniw lung titanh mak khang, “Aseic” twna kawmei ganv hei nai bam khou, nangniw tingmik kathuic ᴋʜᴀᴛ ᴋʜᴀᴛ ᴛᴀ ᴋᴀᴛɪᴜ ᴋᴀʀʏɴᴀ ʙᴀᴍ ᴏ."

Laanmei taan hei thaina-thaina taan mei nai e; thai mak na taan meini nai e. Paap-taan guai hei kahou khou tho nthiam gei the, tiki, titna de tubam khou rui, daidou pat na theihmei phung guang e. Tingmik pum ri adou bam khang nai e.

Mi kum na tingmik pum [WhatsApp Bible] update subam meine, bumaeng tuang discipline the. "Ai ne subu de" tuna sa mei ham na "Ai ne kum subam e" tu mei tei rui kaling mei e.

 

𝕀𝔹ℝ𝕀𝕄𝔼𝕀 𝟜:𝟙𝟛

"Ravguangc hu khou ramh khatna sini nkamh ngam mak ge. Damcloumei katana hei kahu khou how ndauh daek tuang de. Kakhou aniu taanv chakh guang ndaw puni."

Raguang lat khou rui aniu duak ngam mak khe. Maansei ta tho, aniu lat aginu de. Law ta ni, lawyer guai rui court khou katuang client khang gaengnu khang agi de. Raguang hu khou tho, agi duak dat ngam mak khe. Excuse ni mak. Athuan rui tuna thuansuang bam tini duak dat mak khe.

Raguang hu khou tho nniam kei na, suai ding the, hametei suaikhuang ding the tumei rap dithe. Kajaengthu nniam kei mei nun khang kuaklou mei kakhou [Raguangkhou] nai e.

Aniu guai taan kathui kahu khou chak ndau pui gan nai puni. Taw mansei hu khou laanmei taan tan na duak the tuna kakhan bam mei guai, duak lak ge mi nung kiu!

Tiki lumloumeinun tho Latzan bam paeng khou dandi phang khang ham the, tiki suan aju hei kaling mei cho tumei mairui lian puni. Heijaeng rui, mansei rui gai ding the tulou khangna, hametei mansei hu khou gailun su mak na, Raguang rui lalou nu mei ta taan khang e.

"Kahu khou hou ndau daek tuang de"

 

𝕀𝔹ℝ𝕀𝕄𝔼𝕀 𝟝:𝟠-𝟡

"Kamei Ravguangc nac mpouh khwan sini, latpiuna ryanramei khaengvlou the. Kumna kathouc taanc nthuihlou lana kamei kalat piumei guay khang tingsaeng ringcbamv tiiloumeipu sw the."

Aniu guai nchu-nzaeng na lung ni e. Khrista, Raguang Na kahakse rianra na mi kandi khou lung lou the. Aniu rianra mei lung ariu mihei, kandi thiak rap di the.

Khrista Pu Raguang lat guai piu nthui mei kumna, tabui bui pat bam pu sini na, aniu ni kalat piu na lung bam o tu e.

Ham mak ge tei, aniu panti tao ne, guang nimei panti ne, ariam mei, amaan mei panti di the!

 

𝕀𝔹ℝ𝕀𝕄𝔼𝕀 𝟞:𝟙𝟙-𝟙𝟚

"Nangniw tuang rigwnmei tei guang tangh khang, mi kumna nangniw tuang lungh gutmei hei katwan nganv nangniw kathuic khou nai bam khang aniw kahaw e. Lwmna khatni khaengvthayna Ravguangc rui nrianhloumei laa kanmei nunc tei kumcna nangniw aliauh key makna, lunghmei ta aniw kahaw e."

Lumlou guat rap tupui zaeng rui tingkao tat khang ham e.

Khrista thei matak khat lai nzei lou rap tupui zaeng rui kanloumei phang khang ham e.

Lumlou mei, kathei lai mei, theimak san, katuan ngan khang e.

Kum mak ge tei, nsa de! Heizaeng rui, lum tan tan, lai sui tan tan khang e.