Rongmei Bible Reading Reflection from Mark 1-16

 [Originally posted in a WhatsApp group (BRU) as a daily reading update (reflection) from each chapter of the Bible]

[16:58, 02/10/2022] S. R.:

𝕄𝔸ℝ𝕂 𝟙:𝟛𝟝

"Jisu laukhwan khwanzingh tinggaanc riu mak khou rui thauna rimh rimpui bamv thangc tat patna huayney the."

Aniu guaini huainei mei panti su na lung khang nai the.

 

𝕄𝔸ℝ𝕂 𝟚:𝟟

"Mi pu hei tabui zaeng rui mi kumna sa tu cho? Kamei hei Ravguangc ta thouhsw makpui tuang di the. Ravguangc na hamhna thow rui paapc kuaklou ngam nina cho?"

Paap tumei guai hei Raguang ta (hukhou) lanmei guai ta e. Heijaeng rui, Raguang narui kuaklou bu e.

Manseita tho laanlou bam tini, sikkhang se tan khang ngam thui lak e. Raguang tho ngampari ri e.

 

𝕄𝔸ℝ𝕂 𝟛:𝟛𝟜

"Khoutei kadaeng dungc haengv bammei nunc ta tei zauc kari haengvna kamei rui sa the, 'Zauclo, mi hei apui khatni achaic akainac nunc the!'"

Khrista hei aniu Raguang na ham the. Aniu chana ni the. Mikiu tho, aniu ni Raguang na nun di the bumaeng khou.

 

𝕄𝔸ℝ𝕂 𝟜:𝟛𝟡

"Khoutei kamei thauna puanzingh ta tei luhna, 'Reih rei o! Rimh rim o!' twna zeihlat khou tei sa the. Khoutei puanzingh tei nthaekc kan the khatni nchwng rimh rim kan the."

Doulanei, Asei, tingsaeng zaeng Jisu ncham e. Atao ni aseini ngam pri pri tan e.

 

𝕄𝔸ℝ𝕂 𝟝:𝟙𝟡

'Tiki Jisu rui nuhlou mak khe. Kumna kakhou sa the, 'Nang kai thangc tat tho kumna Poubauhmei rui nang khang heizu taanclou kanmei tei khatni nang ta nzianloumei hei nang kai kaikhunhmei nunc khou raclou ti tho.'"

Mansei guai na tei kabam bai bai na Khrista rui aniu ta kaolou e. Asaek ta duipaeng ginram thang, asaek ta kailuang khou.

 

𝕄𝔸ℝ𝕂 𝟞:𝟙𝟙

"Tiki nangniw ta laalou makmei khatni nangniw lat nkinglou makmei bamv khou tei thu, mi khou tei rui nangniw tat pat dat ni khou kaniw ruc khou sakhi khang nangniw phaypav niang kadiw keylou duc o."

Raguang lat chuzi lalouzi mei guai tho sansi mei the. Mitei lian lou ni na e. Kaniu kum mei tei rui lunglai nu e ta.

 

𝕄𝔸ℝ𝕂 𝟟:𝟙𝟝

"Maansei ta kapaengc thangc rui gutmei puat rui sw mphuam mak ge; tiki kalungc khou rui patmei tei rui kata sw mphuam tuang de."

Aniu kapaeng khou na hougai khang su makna lungning tho rui gai khang suni na e. Lunliak, kheiliak, tu-jang mei, latsa, kaguai na khou.

 

𝕄𝔸ℝ𝕂 𝟠:𝟛𝟠

"Thow pw ni alam khou khatni alat lam khou mi ravchap tat makmei khatni paapc padikmei meikin khou hei zakpui mei lam khou tei Meic Nac Mpouh rui ni kamei nthanmei kauh baanchara nunc ta nduanghna kapu tuang hymdaihmei khou key pwkhou zak puni."

Khristian sukhang jak rikho. Gaitan tankhang jak ri kho. Zak etei aniu sansi mei e.

 

𝕄𝔸ℝ𝕂 𝟡:𝟜𝟙

Thow pw ni nangniw Khrista mei e twpui zaeng rui nangniw ta dui chu buangc na sini tizangvlou e thei, ai rui nangniw khou kaling siakna sa tuang e: katuang swan khat sini maan dat mak khe."

Khrista mei ding the tuna khat khat ta nkha kari mei san ram gai ko heithe! Suan amaan dat lak khe.

 

𝕄𝕒𝕣𝕜 𝟙𝟘:𝟚𝟡-𝟛𝟘

"Mundawna Jisu rui sa the, 'Ai rui nangniw khou kaling siakna sa tuang e: Thow pw ni akhang rui khatni gaychamv khang rui kakai kalau, kachaic kakainac, kapui kapu, khatni kanac ta gancloupui mei tei, mi panty khou ni rairiumei lev kazauhna kai lau, kachaic kakainac, kapui kapu, khatni kanac kadam phay khatni guang nimei panty khou ringcsuangmei laa puni.'"

Khrista thei lai mei guai khang tho suan nai the.

 

𝕄𝕒𝕣𝕜 𝟙𝟙:𝟚𝟝

"Nangniw huayney khang ding bampui ganv khou thowkumhmei ruc khou nangniw lungh nuancloumei tuang nai e thei, hei tei kuaklou o, kum e thei tingkauh thangc bammei nangniw Pu rui ni nangniw tuang twan lyammei guay kuaklou puni."

Aniu kuaklou thai khang nai the!

 

𝕄𝔸ℝ𝕂 𝟙𝟚:𝟜𝟜

Kalam thu baihmei guay tei thu mpeyna naimei khou rui tii tuang de, tiki mi pui hei thu karam lungcsi khou naimei kapwm, kamei tu nimei phaan tii tuang e."

Lungaimei lungsimei; geimei raomei, tuna aniu sabam mei hei meiram chak chak khou rui e. 100 khou 50 hei tho rao mak khe, tiki 1000 khou 50 tho rao ding the!

Raguang khang ti mei heini aniu chak chui nina the. Kum mak getei aniu rianra puni.

 

𝕄𝔸ℝ𝕂 𝟙𝟛:𝟙𝟙

Kumna kaniw rui nangniw ta nymna latzan kai khou zay guang pwkhou tabui lat sa nina cho twna lungh ryanra rey bam nangh e. Kadyng kadyng khou tiiloumei tei nangniw sa o. Kalam thu sa nimei hei nangniw hamh e, Bumaengh Nthanmei rui sa puni de."

Raguang rui aniu ta nduanglou ni tingsaengzaeng.

 

𝕄𝕒𝕣𝕜 𝟙𝟜:𝟞-𝟟

"Khoutei Jisu rui sa the, 'Kanyng sw kan dio. Tabui swna nangniw kata sw kaguakc bam tu cho? Kamei akhou gaypui taanv taanclou tuang e. Kalam thu lungcsimei nunc thu nangniw lev bam nchamc tanh tan bam puni de, kumna nangniw rui swlou nii niipui ganv khou kaniw khang gay taanv taanclou nuh de. Tiki ai thu nangniw lev bam nchamc tanh tan bam ni tu hamh e.'"

Lungsi lungrou meita nkha lou meini gai pui tuang de, tiki Raguang khang katpat lou mei taan ni nai ni mei thou e.

 

𝕄𝕒𝕣𝕜 𝟙𝟝:𝟝

"Tiki Jisu lat baihmei daw katwan mak khe. Khoutei Pilat tei ngak the."

Lat samakna rei rei khaeng mei hei ni gai pui tuang e.

 

[11:37, 18/10/2022] S. R.: 𝕄𝕒𝕣𝕜 𝟙𝟞:𝟛-𝟜

"Khoutei, “Tarou kaimun tauc tei thow rui aniu khang thui patlou nina cho?” twna kaniw sa bam khwan e. Tiki kaniw zauc pwkhou, hei tei luangc patlou bammei ta kaniw how the. Mi tauc tei daic sih khwan e."

Tarou kaikham lanloumeitei Khrista khang lanlou tuang ham mak ge. Ntumei guai gut na jao kandiu khang lan lou tuang e.

Rongmei Bible Reading Reflection from Jude

 [Originally posted in a WhatsApp group (FG) as a daily reading update (reflection) from each chapter of the Bible]

[17:24, 5/1/2021] S.R: —Daily Bible Reading and Sharing—

JUDE

"... Ningtow o..." tumei lat hei Jude book khou hilou katup e. v5, 6, 7, 17, khou sa baek lou e.

Jude ruina "Kanloumei" lam khou hilou khang sutuang e, tiki dinlaanmeinun kasing mbu kubam tameitho, kamei rui, reikhou pat kan mei, sa-kasuaklou mei guai ta ningtou lana Khrista khou bam nitp bam dukhang hiloudat pui tuang e.

Nchummei, Laanmei, Katuakmei, Simei, Gaimei, heikum mei guai thai kho tu e tei tho, aniu reidou nung rui sabam mei ta ningtou khang nai the.

Christian ram lum tho kathan mak ge, karaan sin ta de (v3).  Aniu guai kathan kathan Gospel lam khou, Khrista lam khou, hamethei Bible lam khou sa bam mei guai lat tei rup-rup mak khang nai the.

He, Kaipou, Cross raan khou tei, Bible raan khou tei, ajaeng khatni agaeng (joy and glory) tisu lou tan tan o, Amen!

Rongmei Bible Reading Reflection from 3 John

 [Originally posted in a WhatsApp group (FG) as a daily reading update (reflection) from each chapter of the Bible]

[06:46, 6/9/2021] S.R: 𝕀𝕀𝕀 𝕁𝕆ℍℕ 𝟜

"Anac nunc nchumhmei khou lungc bam e twmei chamv chuna neihlamei suangc baihmei neihlamei maek ge."

Tingkum ruh dou tat kanmei gan khou, airui apei ta kakhang kum mei Bible puat bam gailiang cho tuna than tiki, mi verse hei simpha khou pa pat re!

III John tuna sa e tei, mi Bible verse hei ning tou rap rap e! 👍

Rongmei Bible Reading Reflection from 2 John

[Originally posted in a WhatsApp group (FG) as a daily reading update (reflection) from each chapter of the Bible]

𝕀𝕀 𝕁𝔸ℍ𝕆ℕ 𝟡-𝟙𝟙

"Thow pw ni 𝕂𝕙𝕣𝕚𝕤𝕥𝕒 𝕥𝕦𝕒𝕟𝕘 𝕝𝕒𝕥𝕕𝕪𝕟 𝕝𝕦𝕟𝕘𝕔 𝕜𝕙𝕠𝕦 𝕓𝕒𝕞 𝕞𝕒𝕜𝕟𝕒 𝕜𝕒𝕡𝕒𝕖𝕟𝕘𝕔 𝕥𝕒𝕥 𝕥𝕨𝕒𝕟 𝕡𝕒𝕥 kanmei nunc tei thu kaniw khou Ravguangc maekpui mei nunc e. Mi latdyn lungc khou bampui mei tei kakhou Pu ni, Kanac Mpouh ni bampui mei e. Hei zaeng rui, 𝕄𝕚 𝕃𝕒𝕥𝕕𝕪𝕟 ℍ𝕖𝕚 ℍ𝕒𝕞𝕙𝕟𝕒 𝔹𝕒𝕚𝕙𝕞𝕖𝕚 ℙ𝕙𝕦𝕟𝕘𝕔 𝔾𝕦𝕒𝕟𝕘𝕡𝕦𝕚 𝕄𝕖𝕚𝕥𝕒 𝕋𝕙𝕦 ℕ𝕒𝕟𝕘𝕟𝕚𝕨 𝕂𝕒𝕚 𝕂𝕙𝕠𝕦 𝕃𝕒𝕒𝕝𝕠𝕦 ℝ𝕚𝕦; 𝔻𝕨𝕒𝕟 𝔾𝕒𝕪 ℕ𝕚 𝕂𝕒𝕕𝕪𝕝𝕠𝕦 ℝ𝕚𝕦. Kalam thu mi kumhpui mei khang tei dwan gay kadypui mei tei mi pu tuang simei taanv khou tei kadam ni kazauh the."

Aniu bam khou tho, laanmei guai ta lalou chui kum the. Napgan ni ti tu padik lou chui kum the. Lalou meina hamna, kao padik ni nkhiam kum the!

Rongmei Bible Reading Reflection from 1 John 1-5

 [Originally posted in a WhatsApp group (FG) as a daily reading update (reflection) from each chapter of the Bible]

[07:46, 6/2/2021] S.R: 𝕀 𝕁𝔸ℍ𝕆ℕ 𝟙:𝟡

"Tiki aniu rui aniu paap Ravguangc khou kalauh ti thei, kamei thu kalat suai makmeipu e, khatni nchumhmei taanhmeipu e; kumna kamei rui aniu paap guay kuaklou puni khatni aniu khuay guay sw nthanlou puni."

🄻🄰🅃🄿🄸/🄻🄰🅃🄳🄰🄸: Aniu Christian the tuna sa lana paap taan ju ju bam e ta saraam mei the. Taan ju ju mei phan paap kuaklou khang lungning niamna bakna Raguang hu khou guang e tei, Raguang rui Khrista zei pan rui su nthan lou puni.

“Aniu Christian su e ta paap taan dat mak khe. Paap tan bam mei guai tho Christian ling ham mak khe.” Heijaeng rui, gaan saek rui kum sa bam nu the, ai tho paapmei  ham e, paap mak ge, paap taan dat mak khe: Kum sa e tei ni saraam mei the, mansei paap taan mak mei mak e.

Mi phaan tei Raguang hu khou latling sana kuaklou khang guang khang e. Raguang ta pingmei nun tho paap ta karaeng puni. Kumna paap tho aniu duaklak khe tiki, taan ju ju ni tuang ham the.

 

𝕀 𝕁𝕆ℍℕ 𝟚:𝟙𝟞

"Mbaanv tuang guay twmei thu —meic pumc rui kahawmei 𝚖𝚒𝚔 𝚛𝚞𝚒 𝚔𝚊𝚑𝚊𝚠𝚖𝚎𝚒, meic nunc rui gaengh sw bammei mbaanv tuang guay hei Pu khou rui guang tu hamh e; mbaanv khou rui de."

Paap tumei guai mi category kathum khou nai ngam the.

Adam le Eve rui:

1. Tingthai ta tuni the (meic pumc rui kahawmei)

2. Tingthai ta hougai the (𝚖𝚒𝚔 𝚛𝚞𝚒 𝚔𝚊𝚑𝚊𝚠𝚖𝚎𝚒)

3. Thaini the (gaengh sw bammei mbaanv tuang guay)

Khrista ta ne, tazikram khou mi guang khuan e:

1. Pum rui ndaap mei ntian (meic pumc rui kahawmei)

2. Mikrui houmei kandih ramgai (𝚖𝚒𝚔 𝚛𝚞𝚒 𝚔𝚊𝚑𝚊𝚠𝚖𝚎𝚒)

3. Mansei rui hou tou lou nu mei taan — kapit kei khang (gaengh sw bammei mbaanv tuang guay)

Paap hei, pum rui taan e, lungning rui taan e, aniu tuang taan (achievement, successes, wealth, possessions, assets, privileges, status) rui ni taan e.

Riap thai kho!

 

𝕀 𝕁𝔸ℍ𝕆ℕ 𝟛:𝟙

"Zauclo, Pu rui aniu ta adih nzian cho! Kamei rui aniu ta heidikamv nzianna aniu ta Ravguangc nac nunc twna kawlou the— aniu Kanac nunc changh the! Hei zaeng rui Ravguangc ta thay makmei mbaanv rui aniu ta thay mak ge."

Paapmei ai tei Raguang rui kana khang kao lou the. Nah su e tei, Pu tuang lan guai la the. Kaikhou ningtha su the.

Hymdai Lu 69

𝚉𝚊𝚞𝚌 𝚕𝚘, .. 𝚊𝚍𝚒𝚑 𝚣𝚒𝚊𝚗 𝚝𝚞 𝚌𝚑𝚘!

𝙰𝚍𝚒𝚑 𝚣𝚒𝚊𝚗 𝚝𝚞 𝚌𝚑𝚘!

𝙿𝚞 𝚁𝚊𝚟𝚐𝚞𝚊𝚗𝚐𝚌 𝚛𝚞𝚒 ’𝚗𝚒𝚞 𝚔𝚑𝚘𝚞 𝚣𝚒𝚊𝚗𝚕𝚘𝚞𝚖𝚎𝚒;

’𝙽𝚒𝚞 𝚝𝚊 .. 𝚁𝚊𝚟𝚐𝚞𝚊𝚗𝚐𝚌 𝚗𝚊𝚌 𝚗𝚞𝚗𝚌 𝚔𝚊𝚠,

𝚁𝚊𝚟𝚐𝚞𝚊𝚗𝚐𝚌 𝚗𝚊𝚌 𝚔𝚊𝚠𝚕𝚘𝚞 𝚙𝚠𝚖𝚎𝚒!

 

𝕀 𝕁𝔸ℍ𝕆ℕ 𝟜:𝟟

"Nzianmeithiu, aniu khat khat ta nzian kho. Kalam thu nzianmei hei Ravguangc khou rui guang tuang e. Kakhou nzianmei naipui mei tei thu Ravguangc nac e, kumna kamei Ravguangc ta thay e."

Aniu nzianmei hei rei liang mei khou Christian mei nun ta the. Jahon tuang book khou nzian o tuna sa bam mei, phwamling mei nun ta e.

Tiki, Paul rui na Timothy book khou salou mei ne nai e. Kakaikhun mei ta zaosin mak mei nun (nzian kadan mak mei nun) tho paapmei khang suang se si e. Khrista ruina mansei kathui ta nzian o tuna ni sa lou e. Houmu Zaozimei nun ta se nzian o tu e.

Aniu khou nzianmei nai pu khou, gaipui taan raanna taan pu ni. Auto-driver nun ta, vendor-wala, rickshaw-puller nun tei ni Sian ndinbam khou ngan latgai sathai kho. Customer Care ta call su pukhou ni, latgai sa kho.

 

𝕀 𝕁𝔸ℍ𝕆ℕ 𝟝:𝟛

"Kalam thu aniu rui Ravguangc ta nzianmei twmei hei kalatdanv piumei hei the. Kalatdanv guay hei aniu piu ngam lakpui tuang hamh e."

Raguang latdan aniu piungam lak tuang ham e. Kajaeng thu, Raguang Bumaeng rui aniu ta tipiu bu lou e. Philippimei 2:13 khou samei ta the.

Khrista rui puatrit phung rianra meita kakhou guang o tuna kao e Matthew 11:28 khou. Tiki, Khrista rui aniu ta pumtang raeng tat khang sulou mak ge. Kapuatrit phung khang ti e. Mi puat tei aniu phung biu mei e. Phung nina-rap di the.

Galatimei 6:1-6 khoutei, Christian meinun khat khat puat phung nkha kari o tuna hi lou mei ta aniu lung ni mei thiak the!

Rongmei Bible Reading Reflection from 2 Peter 1-3

 [Originally posted in a WhatsApp group (FG) as a daily reading update (reflection) from each chapter of the Bible]

𝕀𝕀 ℙ𝔼𝕋𝔼ℝ 𝟙:𝟙𝟞

"Aniw rui nangniw khou dincloumei hymdaicna Poubauhmei Jisu Khrista guang nimei latdyn hei maansei lungning khou rui patmei damc duancpui pary hamh e. Katuang hymdaihmei tei aniw mik kahak rui how the."

Zao ti tho! Baibal lat hei maansei lunging khou rui pat mei ham the. Damduan tuang ham the! Tiki maansei aju rui damduan tuang de tuna lum ji gei the.

Aniu ni, damduan na pa e tei; damduan na ncham e tei; damduan na kathai e tei; damduan na piuni ni mei piu, piuji ji mei piumak tu e thei, nkhuai muai the. (Rongmei Baibal khou v21 ta zao o.)

Mi Baibal puatbam hei simpha phung khang kage nai e — 2 Peter 1:16

 

𝕀𝕀 ℙ𝔼𝕋𝔼ℝ 𝟚:5-6

"Ravguangc rui reydouc mbaanv ta tei nsa mpatlou kan mak ge; ravning makmei mei nunc kandic khou tei duidai tiguang khwan e. Khoutei ravchaptatmei lat dinhmei Nouha khatni baihmei gaanv chanei na ta kanlou khwan e.  Ravguangc latzan Sodom khatni Gomorra ruc khou keylouna mi kaidai kanei tei mai rui swmaan kan the; kumna mi hei rav ta thay makmei nunc khang sw-nchinloupui tuang sw bam e." (v5-6)

Chapter 2 hei, laanmei oja nun, laanmei mujung nun, damduan na Baibal lat the tuna din mei nun ta, Ravguang rui daandi tipuni tumei lam khou hilou e. 

Kahunung, Raguang rui Kandi kapum ta sumut suluai ngam kan the Nouha Duithum khou; Sodom Gomorra ta ni mpat lou mak ge tei, akumna Raguang laanmei nun guai ta mpat lou bam nina cho tuna Peter rui sa pui tuang the.

Mi kum muaina, aniu India khou ni, Manipur khou ni, tao nang ai bam bam mei jaaga khou ni, Raguang ta chakhuang su mak mei raan na di the. Ntao hametei nthuan thei sunumei pat padik bam e tei, aniu ngak khang mak khe. Mi kandi hei thingbang khou tingthai min nzin zin bam kum tuang di the. Kanuk pui gan khou ndat kei ngam puni the.

Tiki Raguang khou lumlou na kata kalum bam pui guai tho, Nouha kum, Lot kum, na duak puni! Nouha ni, Lot ni paapmei ran na de. Kanlou meitang se paap tan de. Tiki, lumlou pui jaeng rui, Raguangta suina lung pui jaeng rui, Raguang rui "Rachaptatmei" tuna chak lou tuang e.

Aniu, Khrista thei laimei guai ni, "Rachaptatmei" nun the! Adi charin cho, Raguang tuang taan hei! Latzan ni charin e, Kanloumei ne charin hian e!

Kanloumeipu ta abumaeng, alung, kathui rui thuan e!

 

𝟚 ℙ𝔼𝕋𝔼ℝ 𝟛

Q. Kandi khou laanmei aju padik bam meiko, Rarui thailou mak na cho? Raguang nchummei latzan su lou lak na cho?

v7. Tiki ntaw nai bammei tingpuk khatni kandih hei mai rui swmaan khang Ravguangc tuang latdanv thei layna nai bam tuang e. Rav ta thay makmei nunc ta latzan swna swmaan nimei nungc khang mi hei lou bam tuang e.

Q. Akum tina ntao phao, meisimei nun ta latzan sumak bam tu cho?

v9. Poubauhmei hei kalatryan taanc pat khang nzaeng the twna meic gaanvsaekc rui ningmei kumcna kamei thu nzaeng mak ge. Kamei nangniw ta nkhwan bam tuang e. Kalam thu meic gaanv khat na ta sini swmaan kanmei ta kamei laa nii mak ge; meic katana lungh laihmei ta laa nii e.

Q. Raguang ta thai, kalum mei nun tho, tabui su puni cho?

v13. Aniu thu Ravguangc rui aniu khang nrianhloumei, ravchaptatmei bamv, tingpuk kathanc khatni kandih kathanc ta nkhwan bam e.

Q. Aniu akumna lung bam nina cho, heipui kandi khou, mutnimei kandi, meisimei rui padik mei kandi khou hei?

v12. Nangniw Ravguangc tuang tingmik—tingpuk raw maan nimei tingmik khatni tingpuk khou nai bammei guay chaenghmei rui nungc maan nimei tingmik ta nkhwanna, mi tingmik tei tiguang zaih khang nangniw ngammei kasang karamc bam khou hei; ravningchuyna khatni panty nthanna lungc nina e.