[Originally posted in a WhatsApp group (LRU) as a daily reading update (reflection) from each chapter of the Bible]
[07:53,
4/19/2021] S.R:
NINGTINGDYN
1:11 "Reynungc pat kanmei tei gaanv khat na sini ningtow bam dat mak khe,
kumna ntaw pat bammei hei thei thangc thu ningtow bam dat ni tuang hamh
the."
Aniu
panti hei katitna mei panti e. Guang nimei panti hei tho tingsaengzaeng panti
e: tingkao hametei maikuam khou puni the!
Ram
kaguaina hei guangnimei panti ta machun hian na, tao ringbam mei panti, khou
pian mei nai dut khang tuna lung lak ni na e.
Hei panti khou tho, pian mei ni naizat ni tuang ham e, naibam nu bamni,
guang nimei panti ta mala na (hametei ram chak mak ge tei) adi zaengsi mei
panti cho! Ariammei panti e!
Meiruini
ningtoulou nituang ham mak tu e. Kachang e, theikanmei nun guai ta amu bam ngam
the! Ringbam mei rui na tho theih mei nun khang suang tho gaeng mai the!
NINGTINGDYN
2:18-19
"Ai
rui taanclou kanmei taanv khatni ntaanv guangloumei guay hei akhang nsa de,
kalam thu mi guay hei athei thangc lungc guang nimei khang ganclou kan nimei
tuang de, kamei tei ningtyngmei puni ny, mpangmei puni ny thow thayna cho? Ai
rui taancloumei guay khatni aningting rui mi kandic khou ntaanv guangloumei
guay hei kamei katuang swkan nimei tuang di the. Mi guayna hei nsa de."
Aniu
Christian mei guai si, Guang Solomon kumna sabam khang nai e. Nangnanun,
nangtounun, nangkai riangluainun, nangkai zikzei nun, khang gai taan, taan
padiklou bam mei tei, kaniu chaluan e thei, kaniu ning ting e tei, gai e. Tiki
thou thai bam puni cho? Kaniu ningting bam pusini, chaluan bam sini, khatni
kaniu khang gaihak gaenghak bam sini, nang khang tho gaeng rap tuang mak e.
Latpi
kanei latou mei nai e:
1.
Gailiang mei taan nanun, tounun, riangluainun, zikzeinun khang taan lou numei
tho aniu guai panti, Raguang ta pingna lungmei hei kaniu ni lai-nzeih na lung
diu khang. ( The fear of the Lord is the beginning of wisdom tuna sabam mei ta
e).
2.
Aniu mi kandih khou matha-mala na lung mei suang, mi kandih khou kai-sam gai
mei suang, mi kandih khou sian-lanh padik mei suang, tingkao tho ri-kaduai lou
mei rui gaeng hian e. Aniu theih bam sini, tingkao tho zaeng gai puni.
NINGTINGDYN
3:1, 4
v1.
"Kandih khou pat bammei ramh katana hei Ravguangc rui tiiloumei ganv khou
pat bammei tuang e."
v14.
" ...Ravguangc rui sw bammei akhat kiu thu aniu rui kata ping khang
e."
Ronaldo,
Justin Bieber, Napoleon, Einstein mphao bam mei ne, Raguang rui. Armstrong IAS
subam mei ne Raguang rui. Nang ai degree naina English sa thai bam mei ne,
Raguang rui. Ai Christian subam meine Raguang rui e.
Nang
ai suchui puijaeng khou rui aniu subam mihei phang tuang ham e. Anei khang
suang suchui mei pei na nai e. ZLR meipang khou, Armstrong khang suang heimei
pei na naide. IRS Gaanreipou khang suang heimei ne nai de. Kamei le khat na
huatna ncham bam mei guai prelims se pat mak bam mei ai thai mei se nai gei e.
Officer
Timothy ne Raguang rui de. Oja Gaitoungam ne Raguang rui de. Navodayan guai ne
selection pass sumei Raguang rui de. Aniu hei-hian, suchui-hian mei tuang nai
rap mak ge tupuilat re. Hei-bam tini, Rarui. Chui-bam tini Rarui.
Gaapsu,
lianti na lung mei phaan, Raguang ta pingna lung khang e.
NINGTINGDYN
4:4
"Maansei
rui ramh akhat khang heidi ranvna karamc bammei hei kakainingmei ta mamavmei
zaeng rui de twmei ni ai thay the. Tiki hei tei nsa de. Hei tei mpwan ta nym
khang nthau bampui riath de."
Kathiak
khat meilat ding e nih? Meiguaina Mamamei ran na di the. Taan tan bam mei guai
hei sian khang ran na ding the ki. Doctor ne sian khang, engineer ne sian
khang, politician ne sian khang. Sian phang gei lana, meiram mei khang suang
lung-gai khang, zao-pao hian khang . . . tumei ran na di the. Pastor guai ne meiram mei church khang suang
progress gaihian ni. Ronaldo ne, Messi LaLiga khou bampui jaengrui, suchui hian
tuang e tu e.
Doctor
taan, Engineer taan, Politician taan, Pastor taan; taan guai ko tho gaibam nu
de, tiki lungning tho gairap mak khe. (Not the work itself but the intention)
He,
Kaipou, alungning hei zaolouna su-nthan lou o. Nang hu khou, dai-riu,
chuimei-maeng, lian-ti, mei lungning
guai ta lagan lou o. Amen!
[15:58,
4/23/2021] S.R: NINGTINGDYN 5:4-6
“Nang
rui Ravguangc khou latdyng swlou kan e thei hei tei nuhmei kamv katumcna taanc
o. Mpangmei ta kamei kahaw mak ge. Nang rui taanc ni twna nrianhlou kan e thei
taanc o. Latdyng swlouna taanh makmei suangc thu latdyng sw makmei rui gay de.
Nang tuang latsav rui nang ta paapc khou tikeylou riu. Ravguangc tuang amuh
khou “Ai latdyng swloumei tei nkhuai the,” twna sa khang sw lario.”
"Mpangpuimei"
tuna Bible rui sabam mei ko tho, Raguang ta pingmangmei guai the. Matric failed
sumei ta ram me; Exam thapat ngam mak mei ta ham me; IQ nsuan mei ta ham e;
Mental retarded ta ham e; Raguang ta machun makmei, Raguang ta tari mak mei,
Raguang ta nzian makmei, nun guai ta the, mpangpuimei tumei ko.
Niupanti
khou, machunmei, tarimei, nzianmei, pianmei, ko Raguang tha??? Kum mak ge thei
nang ai ne mpangpuimei the. Raguang rui kahao mak mei the!
Kaipou,
ningtingpuimei tisulou o. He alung, Khrista khou pian thai o.
NINGTINGDYN
6:7
"Maansei
gaanv khat rui kabung khang na taancna lungc e, tiki tu biuc zat mak ge."
Maansei
hei pianthaimei tumei tho mak khe. Kumtipui zaeng rui lungai-lungsi mei padik
bam tuang the. Lungai meirui kalan (wealth) tei nzan (generosity) mei phaan,
lungai ran khang su the. Sianthuai khang tipoulou chui ni the.
Buddha
ruise na, pianthaimak mei hei si-mei bangbi khat the tuna salou e. Tiki, akumna
aniu pianthai ni-na cho tumei tho, Buddha thai mak khe.
Pianthaimei
tumei hei, v2 khou hilou mei ta, thai pui gan khou, nai puni. "Raguang
rui" tumei ta the.
Ramguaina
hei Ra-khou rui guang tuang e; Ramguaina hei, Ra-rui nulou mei lung khou pat
bam tuang e; Ramguaina hei Raguang rui gai-khang tisulou puni (Rom8:28) tumei,
thai pui gan khou, aniu pian thai puni. Ngguai, lungai pui gan khou ni, rian-ra
pui gan khou ni!
Naigei
bam tini, "Raguang rui" tumei thai mak ge thei, v3-4 khou hilou mei,
neihlatou mak mei, ariammei panty supuni. Lungsi bam tini, "Raguang
rui" tumei thai e tei, v12 khou "akum puni cho?" tuna than bam mei ta thai puni. Kazaengthu,
Raguang rui kata thai, phu pui meita tiphanglou puni, mi Kandi khou khat ni
guang nimei Kandi khou oi!
He,
Araguang! Ramguaina Kaipou nang e! Nang khou alung, amachun, azaeng (my joy)
guai nai tan tan bam diu. Tisulou o, Amen!