Rongmei Bible Reading Reflection from 1 John 1-5

 [Originally posted in a WhatsApp group (FG) as a daily reading update (reflection) from each chapter of the Bible]

[07:46, 6/2/2021] S.R: 𝕀 𝕁𝔸ℍ𝕆ℕ 𝟙:𝟡

"Tiki aniu rui aniu paap Ravguangc khou kalauh ti thei, kamei thu kalat suai makmeipu e, khatni nchumhmei taanhmeipu e; kumna kamei rui aniu paap guay kuaklou puni khatni aniu khuay guay sw nthanlou puni."

🄻🄰🅃🄿🄸/🄻🄰🅃🄳🄰🄸: Aniu Christian the tuna sa lana paap taan ju ju bam e ta saraam mei the. Taan ju ju mei phan paap kuaklou khang lungning niamna bakna Raguang hu khou guang e tei, Raguang rui Khrista zei pan rui su nthan lou puni.

“Aniu Christian su e ta paap taan dat mak khe. Paap tan bam mei guai tho Christian ling ham mak khe.” Heijaeng rui, gaan saek rui kum sa bam nu the, ai tho paapmei  ham e, paap mak ge, paap taan dat mak khe: Kum sa e tei ni saraam mei the, mansei paap taan mak mei mak e.

Mi phaan tei Raguang hu khou latling sana kuaklou khang guang khang e. Raguang ta pingmei nun tho paap ta karaeng puni. Kumna paap tho aniu duaklak khe tiki, taan ju ju ni tuang ham the.

 

𝕀 𝕁𝕆ℍℕ 𝟚:𝟙𝟞

"Mbaanv tuang guay twmei thu —meic pumc rui kahawmei 𝚖𝚒𝚔 𝚛𝚞𝚒 𝚔𝚊𝚑𝚊𝚠𝚖𝚎𝚒, meic nunc rui gaengh sw bammei mbaanv tuang guay hei Pu khou rui guang tu hamh e; mbaanv khou rui de."

Paap tumei guai mi category kathum khou nai ngam the.

Adam le Eve rui:

1. Tingthai ta tuni the (meic pumc rui kahawmei)

2. Tingthai ta hougai the (𝚖𝚒𝚔 𝚛𝚞𝚒 𝚔𝚊𝚑𝚊𝚠𝚖𝚎𝚒)

3. Thaini the (gaengh sw bammei mbaanv tuang guay)

Khrista ta ne, tazikram khou mi guang khuan e:

1. Pum rui ndaap mei ntian (meic pumc rui kahawmei)

2. Mikrui houmei kandih ramgai (𝚖𝚒𝚔 𝚛𝚞𝚒 𝚔𝚊𝚑𝚊𝚠𝚖𝚎𝚒)

3. Mansei rui hou tou lou nu mei taan — kapit kei khang (gaengh sw bammei mbaanv tuang guay)

Paap hei, pum rui taan e, lungning rui taan e, aniu tuang taan (achievement, successes, wealth, possessions, assets, privileges, status) rui ni taan e.

Riap thai kho!

 

𝕀 𝕁𝔸ℍ𝕆ℕ 𝟛:𝟙

"Zauclo, Pu rui aniu ta adih nzian cho! Kamei rui aniu ta heidikamv nzianna aniu ta Ravguangc nac nunc twna kawlou the— aniu Kanac nunc changh the! Hei zaeng rui Ravguangc ta thay makmei mbaanv rui aniu ta thay mak ge."

Paapmei ai tei Raguang rui kana khang kao lou the. Nah su e tei, Pu tuang lan guai la the. Kaikhou ningtha su the.

Hymdai Lu 69

𝚉𝚊𝚞𝚌 𝚕𝚘, .. 𝚊𝚍𝚒𝚑 𝚣𝚒𝚊𝚗 𝚝𝚞 𝚌𝚑𝚘!

𝙰𝚍𝚒𝚑 𝚣𝚒𝚊𝚗 𝚝𝚞 𝚌𝚑𝚘!

𝙿𝚞 𝚁𝚊𝚟𝚐𝚞𝚊𝚗𝚐𝚌 𝚛𝚞𝚒 ’𝚗𝚒𝚞 𝚔𝚑𝚘𝚞 𝚣𝚒𝚊𝚗𝚕𝚘𝚞𝚖𝚎𝚒;

’𝙽𝚒𝚞 𝚝𝚊 .. 𝚁𝚊𝚟𝚐𝚞𝚊𝚗𝚐𝚌 𝚗𝚊𝚌 𝚗𝚞𝚗𝚌 𝚔𝚊𝚠,

𝚁𝚊𝚟𝚐𝚞𝚊𝚗𝚐𝚌 𝚗𝚊𝚌 𝚔𝚊𝚠𝚕𝚘𝚞 𝚙𝚠𝚖𝚎𝚒!

 

𝕀 𝕁𝔸ℍ𝕆ℕ 𝟜:𝟟

"Nzianmeithiu, aniu khat khat ta nzian kho. Kalam thu nzianmei hei Ravguangc khou rui guang tuang e. Kakhou nzianmei naipui mei tei thu Ravguangc nac e, kumna kamei Ravguangc ta thay e."

Aniu nzianmei hei rei liang mei khou Christian mei nun ta the. Jahon tuang book khou nzian o tuna sa bam mei, phwamling mei nun ta e.

Tiki, Paul rui na Timothy book khou salou mei ne nai e. Kakaikhun mei ta zaosin mak mei nun (nzian kadan mak mei nun) tho paapmei khang suang se si e. Khrista ruina mansei kathui ta nzian o tuna ni sa lou e. Houmu Zaozimei nun ta se nzian o tu e.

Aniu khou nzianmei nai pu khou, gaipui taan raanna taan pu ni. Auto-driver nun ta, vendor-wala, rickshaw-puller nun tei ni Sian ndinbam khou ngan latgai sathai kho. Customer Care ta call su pukhou ni, latgai sa kho.

 

𝕀 𝕁𝔸ℍ𝕆ℕ 𝟝:𝟛

"Kalam thu aniu rui Ravguangc ta nzianmei twmei hei kalatdanv piumei hei the. Kalatdanv guay hei aniu piu ngam lakpui tuang hamh e."

Raguang latdan aniu piungam lak tuang ham e. Kajaeng thu, Raguang Bumaeng rui aniu ta tipiu bu lou e. Philippimei 2:13 khou samei ta the.

Khrista rui puatrit phung rianra meita kakhou guang o tuna kao e Matthew 11:28 khou. Tiki, Khrista rui aniu ta pumtang raeng tat khang sulou mak ge. Kapuatrit phung khang ti e. Mi puat tei aniu phung biu mei e. Phung nina-rap di the.

Galatimei 6:1-6 khoutei, Christian meinun khat khat puat phung nkha kari o tuna hi lou mei ta aniu lung ni mei thiak the!

Rongmei Bible Reading Reflection from 2 Peter 1-3

 [Originally posted in a WhatsApp group (FG) as a daily reading update (reflection) from each chapter of the Bible]

𝕀𝕀 ℙ𝔼𝕋𝔼ℝ 𝟙:𝟙𝟞

"Aniw rui nangniw khou dincloumei hymdaicna Poubauhmei Jisu Khrista guang nimei latdyn hei maansei lungning khou rui patmei damc duancpui pary hamh e. Katuang hymdaihmei tei aniw mik kahak rui how the."

Zao ti tho! Baibal lat hei maansei lunging khou rui pat mei ham the. Damduan tuang ham the! Tiki maansei aju rui damduan tuang de tuna lum ji gei the.

Aniu ni, damduan na pa e tei; damduan na ncham e tei; damduan na kathai e tei; damduan na piuni ni mei piu, piuji ji mei piumak tu e thei, nkhuai muai the. (Rongmei Baibal khou v21 ta zao o.)

Mi Baibal puatbam hei simpha phung khang kage nai e — 2 Peter 1:16

 

𝕀𝕀 ℙ𝔼𝕋𝔼ℝ 𝟚:5-6

"Ravguangc rui reydouc mbaanv ta tei nsa mpatlou kan mak ge; ravning makmei mei nunc kandic khou tei duidai tiguang khwan e. Khoutei ravchaptatmei lat dinhmei Nouha khatni baihmei gaanv chanei na ta kanlou khwan e.  Ravguangc latzan Sodom khatni Gomorra ruc khou keylouna mi kaidai kanei tei mai rui swmaan kan the; kumna mi hei rav ta thay makmei nunc khang sw-nchinloupui tuang sw bam e." (v5-6)

Chapter 2 hei, laanmei oja nun, laanmei mujung nun, damduan na Baibal lat the tuna din mei nun ta, Ravguang rui daandi tipuni tumei lam khou hilou e. 

Kahunung, Raguang rui Kandi kapum ta sumut suluai ngam kan the Nouha Duithum khou; Sodom Gomorra ta ni mpat lou mak ge tei, akumna Raguang laanmei nun guai ta mpat lou bam nina cho tuna Peter rui sa pui tuang the.

Mi kum muaina, aniu India khou ni, Manipur khou ni, tao nang ai bam bam mei jaaga khou ni, Raguang ta chakhuang su mak mei raan na di the. Ntao hametei nthuan thei sunumei pat padik bam e tei, aniu ngak khang mak khe. Mi kandi hei thingbang khou tingthai min nzin zin bam kum tuang di the. Kanuk pui gan khou ndat kei ngam puni the.

Tiki Raguang khou lumlou na kata kalum bam pui guai tho, Nouha kum, Lot kum, na duak puni! Nouha ni, Lot ni paapmei ran na de. Kanlou meitang se paap tan de. Tiki, lumlou pui jaeng rui, Raguangta suina lung pui jaeng rui, Raguang rui "Rachaptatmei" tuna chak lou tuang e.

Aniu, Khrista thei laimei guai ni, "Rachaptatmei" nun the! Adi charin cho, Raguang tuang taan hei! Latzan ni charin e, Kanloumei ne charin hian e!

Kanloumeipu ta abumaeng, alung, kathui rui thuan e!

 

𝟚 ℙ𝔼𝕋𝔼ℝ 𝟛

Q. Kandi khou laanmei aju padik bam meiko, Rarui thailou mak na cho? Raguang nchummei latzan su lou lak na cho?

v7. Tiki ntaw nai bammei tingpuk khatni kandih hei mai rui swmaan khang Ravguangc tuang latdanv thei layna nai bam tuang e. Rav ta thay makmei nunc ta latzan swna swmaan nimei nungc khang mi hei lou bam tuang e.

Q. Akum tina ntao phao, meisimei nun ta latzan sumak bam tu cho?

v9. Poubauhmei hei kalatryan taanc pat khang nzaeng the twna meic gaanvsaekc rui ningmei kumcna kamei thu nzaeng mak ge. Kamei nangniw ta nkhwan bam tuang e. Kalam thu meic gaanv khat na ta sini swmaan kanmei ta kamei laa nii mak ge; meic katana lungh laihmei ta laa nii e.

Q. Raguang ta thai, kalum mei nun tho, tabui su puni cho?

v13. Aniu thu Ravguangc rui aniu khang nrianhloumei, ravchaptatmei bamv, tingpuk kathanc khatni kandih kathanc ta nkhwan bam e.

Q. Aniu akumna lung bam nina cho, heipui kandi khou, mutnimei kandi, meisimei rui padik mei kandi khou hei?

v12. Nangniw Ravguangc tuang tingmik—tingpuk raw maan nimei tingmik khatni tingpuk khou nai bammei guay chaenghmei rui nungc maan nimei tingmik ta nkhwanna, mi tingmik tei tiguang zaih khang nangniw ngammei kasang karamc bam khou hei; ravningchuyna khatni panty nthanna lungc nina e.

Rongmei Bible Reading Reflection from 1 Peter 1-5

 [Originally posted in a WhatsApp group (FG) as a daily reading update (reflection) from each chapter of the Bible]

𝕀 ℙ𝔼𝕋𝔼ℝ 𝟙:𝟞-𝟟

"Nchanvmei kazaat azuh ariwna matak khat khang nangniw ryanra bam pwsini, mi khang hei rui nangniw neihla bam o. Mi nchanvmei hei thu nangniw ramlum tei kalyng bammei tuang e. Maan kan nimei kachaekc ta sini kalingmei pat khang mai ntei e. Hei tei kumcna kachaekc khang suangc kunghmei nangniw ramlum tei kalingmei sw khang kalyng ni tina di the. Mi hei Jisu Khrista ta ndauh patpui nungc kiu thuanckuloumei, hymdaihmei khatni champouhmei nangniw laatow khang e."

Aniu panti khou nchanmei guang mei hei, aniu ram lum ntip the tumei lian khang e (v7) Abraham, Job ram lum hei nchanmei guang mei gankhou, kanei ding ntip the, kumna mi nchanmei tei rui, kanei ram lum katip mei ta lian the!

Heijaeng rui, nchanmei tumei hei aniu khang gai pui tuang the. Nang-ai rachap tat chui bam dai, lumnumei lunlung khou lung bam dai, tumei hei nchanpui gan khou rui thai e. Heijaeng rui, nchanmei guang mei gan khou neila thai nina e. (v6)

Ai Rarui lalou nu mei panti khou lung bam cho bammak cho tumei nsi-sing mei thai mak etei, aniu adi rup-rup, zaeng si mei panti cho ni!? Exam pass suni fail suni tumei aniu thai ni de. Ase gan tugai mei tu puni, tusi mei tu puni tuna thai ni na "Kum mei gan suang tha?" tuna aniu than e. Kachaek dum khuaitou e ta ni, kaling mei kachaek ni kakiau mei kachaek cho tumei aniu thai ni puni. Heikum e ta tho, aniu ram lum, exam, gan, kachaek khang suang nthuk meita aniu thai ji bam ni nacho.

He Araguang, nchanmei guang pui gan khou, katuak mei pat padik mei gan khou, rianra mei guang pui gan khou, phaisui mei guang pui gan khou, lunging ntaam, lung puam, lungning si tumei phaan, nang zaozian ta chak thai na, nang khou lumna, ti zaeng gai thai lou o, Amen!

 

𝕀 ℙ𝔼𝕋𝔼ℝ 𝟚:𝟙𝟟

"Meic guayna ta chakhwang sw o; chana punav ta nzian o; Ravguangc ta ping o; khatni guanghdaihmei ta kangam kaziu sw o."

ᴍᴇɪ ɢᴜᴀɪ ɴᴀᴛᴀ ᴄʜᴀᴋʜᴜᴀɴɢ sᴜ ᴏ ᴛᴜɴᴀ sᴀ ᴇ. ᴋᴀᴊᴀᴇɴɢ ᴛʜᴏ ᴍᴇɪ ɢᴜᴀɪ ɴᴀ ʜᴇɪ ʀᴀɢᴜᴀɴɢ ʟᴜɴ ʟᴜɪɴᴀ ᴅᴀᴍʟᴏᴜ ᴛɪ ɴᴀ ᴇ. ᴀɴɪᴜ ɢᴜᴀɪ ᴛʜᴏ ʟᴜɴɢɢᴀɪᴍᴇɪ ᴛᴀ (ʀɪᴄʜ) ᴛᴀ ᴄʜᴀᴋʜᴜᴀɴɢ sᴜ ᴇ, ᴛɪᴋɪ, ʟᴜɴɢsɪ ᴍᴇɪɴᴜɴ ᴛᴀ ᴛʜᴏ ᴍᴀʟᴀ ᴇ. ɴɪɴɢᴛɪɴɢ ᴍᴇɪ ᴛᴀ ᴄʜᴀᴋʜᴜᴀɴɢ sᴜ ᴇ, ᴍᴘᴀɴɢ ᴍᴇɪᴛᴀ ᴍᴀʟᴀ ᴇ.ᴍᴘᴀɴɢᴍᴇɪ ᴛᴀɴɪ, ʟᴜɴɢsɪᴍᴇɪ ᴛᴀɴɪ, ᴋᴀᴋʜᴇsɪᴍᴇɪ ᴛᴀ sɪ ɴɪ, ᴀɴɪᴜ ᴍᴀʟᴀ ʟᴀᴋ ɴɪ ᴛᴜᴀɴɢ ᴇ!

ᴛʜᴏᴜ ᴍɪ ᴠᴇʀsᴇ ᴘᴀɴᴀ ᴋʜᴜᴀɪ ᴍᴀᴋ ᴍᴇɪ ɴᴀɪ? ᴍᴘᴀɴɢ ᴍᴇɪᴛᴀ, ʟᴀᴛɢᴀɪ sɪɴɪ sᴀʟᴏᴜ ɴɪ ᴍᴀᴋ ᴅɪɴɢ ᴇ.

𝙷𝚎! 𝚉𝚊𝚘𝚣𝚒𝚊𝚗 𝙺𝚊𝚒𝚙𝚘𝚞, 𝙽𝚣𝚒𝚊𝚗 𝚝𝚑𝚊𝚒𝚖𝚎𝚒, 𝚔𝚑𝚊𝚝𝚗𝚒 𝚗𝚗𝚒𝚊𝚖 𝚝𝚑𝚊𝚒𝚖𝚎𝚒, 𝚊𝚕𝚞𝚗𝚐 𝚔𝚑𝚘𝚞 𝚝𝚒𝚙𝚊𝚍𝚒𝚔 𝚕𝚘𝚞 𝚘. 𝙰𝚖𝚎𝚗!

 

𝕀 ℙ𝔼𝕋𝔼ℝ 𝟛:𝟙𝟟

"Nkhuaimei taanhmei suangc, Ravguangc rui ningmei e thei, nchumhmei taanhmei khang ryanra khaengv kanmei rui gay e."

Aniu guai tho 'titna' nkhuaimei, taan na, sian-lan padik ni e. Titna nkhuaimei, taan na, exam result gai ni e. Matak tak tho, peina nkhuaimei se taan khang hihi the. Mi verse ruina tho, rianra khaengmei rui gai e. Kajaeng thu: verse 15 khou tei salou kan mei ta the, "Tiki Khrista ta nangniw kaipouc e twna nangniw lung khou chakhwang sw o."

Raguang ta pingna lung mei, khatni kakhou nganglou pui mei khang ta ,  v12 "Kalam thu Poubauhmei thu ravchaptatmei nunc ta zauc bam e, khatni kaniw huayneymei chulou bam e; tiki simei taanhpui mei ta kamei zauc zih e.”

Khrista Zaozian khou pumtan lathai mei nun su kho!

 

𝕀 ℙ𝔼𝕋𝔼ℝ 𝟜:𝟙𝟝-𝟙𝟞

"Meicdowmei, kaihouhmei, simei taanv taanhmei khatni meickai taanv khou baanh numloumei zaeng rui ryanra khaengvmei thu sw rio. Tiki nangniw Khristamei swpui zaeng rui ryanramei ariw e thei, mi khang tei zak rio; tiki nang ta Khristamei twmei zanc hei kawlou the twna Ravguangc ta thuancku o."

Peter book khou rianra khaengmei hei gai e, kumna neila thai o tuna sa bam mei ko, nchum pui taan khou rui rianra khaengmei ta e. Aniu sipui taan, laanmei, taan tikhou rui rianra mei ta sabam tuang ham e!

Laanmei taan na rianra mei nun tho, lunging kalai na, nchummei taan dat khang e. Raguang rui Khristian mei nun ta riap lou e laana taan pui gan khou (Hebrews 12:6). Heijaeng rui, Khristian mei nun tho Rarui riap lou mei ta ni suaihiam the tuna la ni tuang e.

Khristian panti tho: Nchumna lung e tei, rianra mei guang nu; Laanna lung e tei ni, rianra mei guang nu. Tiki, kanei mei gaipui tuang ran na di the!

Raguang ta machun mak mei nun tho adi kam rianra punicho, mikandi khou na hamna, guangnimei panti khou kiu!

 

𝕀 ℙ𝔼𝕋𝔼ℝ 𝟝:𝟙𝟘

"Matak khat mi kumna ryanra khaengvloumei tangv, Khrista paan rui katuang tingsaeng hymdaihmei laa khang nangniw ta kanloumeipu, zauzian guay Racguangc kamei rui, nangniw ta ti-nthuihlou puni, sw ntiplou puni, titanclou puni, khatni tiding ntiplou puni."

ESV version khou: " . . . Christ will Himself restore, confirm, strengthen, and establish you." Adi charinmei latrian cho! Khrista kahakrui ko mi kumna ko taanlou puni e ta tho, tabuicho aniu khaeng ngam lak ni mei ko? Kumtina the, khaeng thai o, ryanra khaengmei gan khou, neila thai o tuna sabam mei ko.

Aniu lungpuam bam tini, kanloumak; nin-bamtini kanloumak; siangdan siangdu bam tini kanloumak; aniu ta kanloumei kiu thu, Raguang khou nganglou mei the (v6-7). Kanloumei na hamna aniu ta zaithaolou puni tu e!

🅡🅔🅥🅘🅔🅦

1Peter book khou rianra kkhaengmei lam khou hilou the!

1. 𝚁𝚒𝚊𝚗𝚛𝚊 𝚔𝚑𝚊𝚎𝚗𝚐𝚖𝚎𝚒 𝚑𝚎𝚒 𝚐𝚊𝚒 𝚎. (𝙲𝚑𝚊𝚙𝚝𝚎𝚛 1)

2. 𝚁𝚒𝚊𝚗𝚛𝚊 𝚔𝚑𝚊𝚎𝚗𝚐𝚖𝚎𝚒 𝚐𝚊𝚗 𝚔𝚑𝚘𝚞 𝚗𝚎𝚒𝚕𝚊 𝚝𝚑𝚊𝚒 𝚘. (𝚌𝚑𝚊𝚙𝚝𝚎𝚛1)

3. 𝚁𝚒𝚊𝚗𝚛𝚊 𝚔𝚑𝚊𝚎𝚗𝚐𝚖𝚎𝚒 𝚐𝚊𝚗 𝚔𝚑𝚘𝚞 𝚁𝚊𝚐𝚞𝚊𝚗𝚐 𝚔𝚑𝚘𝚞 𝚗𝚐𝚊𝚗𝚐𝚕𝚘𝚞 𝚘 (𝚌𝚑𝚊𝚙𝚝𝚎𝚛 5).

Rongmei Bible Reading Reflection from James 1-5

 [Originally posted in a WhatsApp group (FG) as a daily reading update (reflection) from each chapter of the Bible]

[10:52, 5/12/2021] S.R: 𝕁𝔸𝕄𝔼𝕊 𝟙:𝟙𝟡

"ɴᴢɪᴀɴᴍᴇɪ ᴄʜᴀɴᴀᴛʜɪᴜ, mi hei ningtow o! Meic kathuicna chumei khou katumc o; tiki 𝕤𝕒𝕞𝕖𝕚  khou khatni 𝕝𝕦𝕟𝕘𝕙 𝕡𝕦𝕒𝕞𝕙𝕞𝕖𝕚 khou 𝕟𝕫𝕒𝕖𝕟𝕘 o."

Aniu teipum-zanpum, paap kandi khou tho, lung-puam mei khou, latsa-mei khou katum the. Lat tho chu se chu ni mak khe, nzaeng meilat se sabam purio, chuzi daek the.

Gaihak pui lat kum na "Alung ram puam" tuna se sa rap rap the.

Lungpuam mei lian e thei nchum ti na the tuna lian rap rap mei maeng the tuna mi kandi khou la bam gei kum the. (Anger and vulgar expressions are considered to be an expression of genuineness, and used them to impress upon people. How corrupt the world is!)

Rianra meigan khou ni, nthiam mei gan khou ni, kagan kathui na khou, , khaeng thai na (self-control) lung o tu e.

Network nase si mai rap tu e tei, aniu tho Ningsum pat nuang tu the! "James 1:19 tuna" khat khat ta sa karina tiningtou bam khang nai the!

 

𝕁𝔸𝕄𝔼𝕊 𝟚: 1, 9

v1. "Achanathiu, nangniw Hymdaihmei Kaipouc, Jisu Khrista khou lwmmei nunc swna, meic nunc ta zawkhu zawru zaucna sw rio."

v9. "Tiki nangniw rui meic nunc ta zawkhu zawru zaucna sw e thei, nangniw nkhuaimei e; kumna nangniw Riakdanv twan lyammei nunc e."

Meiram mei ta zaukei, gansaek ta zauku tumei hei mansei guai na khou nai timei tho, James rui na zaukei zauku rio tuna katiu lou e.

Aniu baibai mei khou nthui khang karam bam se, mitun hei ni karam mak ge thei, latdan piu mak mei the.

 Nthiammei paap, daimei paap Raguang hu khou tho mak ge. Paap thai tho theimei tumei di the. Eden Pikuan khou Tingthai tulou mei paap zaeng khou rui na se, mei kathui ta theimei dandi ti e ta, bai bai mei paap tho adi nthuk kan cho. Kakhan kho! Paap tumei guai ta Ra rui nu mak ge.

Aniu, ram kathui khou, nthui khang karam khang nai e.

 

𝕁𝔸𝕄𝔼𝕊 𝟛:𝟙𝟛-𝟙𝟠

v15"Mi kumhmei ningting tei thu tingkauh thangc rui key tuang hamh e; mbaanv tuang de, ravchaptat makmei tuang de, ravsic tuang de."

ɴɪɴɢᴛɪɴɢ ᴊᴀᴛ ᴋᴀɴᴇɪ ɴᴀɪ ᴛʜᴇ:

Kandi Ningting le Tingkao Ningting nai e.

Rasi (Satan) khou rui guangmei Ningting le Raguang khou rui guangmei Ningting nai e. Agai-agi mei Ningting le Rachaptat mei Ningting nai e. Kakhang khang na ningmei Ningting (v13) le Katun khou na tat mak mei Ningting (17)

List hi kei padik bam khang nai e. . .

Q. Aniu tabui Ningting tha nai mei?

Q. Aniu tabui Ningting cho ntaan bam mei?

Q. Aniu tabui Ningting tha James rui nai o tubam mei?

2𝚗𝚍 𝚌𝚊𝚝𝚎𝚐𝚘𝚛𝚢 𝚔𝚑𝚘𝚞 𝚖𝚎𝚒 𝚝𝚞𝚊𝚗𝚐 𝙽𝚒𝚗𝚐𝚝𝚒𝚗𝚐 𝚝𝚊 𝚝𝚑𝚎.

 

𝕁𝔸𝕄𝔼𝕊 𝟜:𝟙𝟟

"Nchumhmei tei thayna taanh makmei tei paapc be."

Laanmei taan meina paap ham the. Nchumhmei taan mak mei ni the!

Simei taan makmei na sumakna, gaimei taan ne taan mei ta tua (ought to). Simei lat sa makmei na su makna, gaimei lat ni sa khang. Nkhuaipui lat sa makmei na sumakna, nchumhmei lat ni sa khang.

"Athuan adou mitaan taan puni" tuna samei se, gaengsu, ramkhe sumei e; heita gan louna (sa mak na), Raguang khou nganglou o tu e (v13-17).

 

𝕁𝔸𝕄𝔼𝕊 𝟝:𝟙

"Lungcgaymei nunc, nangniw nking o! Nangniw ruc khou keylou punimei ryanra ryanriumei khang tei rui kangiuhna kap la tho."

Lungai Chingkhu mei simak ge, paap ham mak ge. Abraham, Job, David, Aritmathea meipu Joseph, heinun guai hei lungai mei nun de.

Naiphai Naibu mei nun ta sa bam tuang e. Aniu khang kage naimei, khang suang nliam nla na nai laki, zaozian thai mak, kaphi-kadam ti chui ri mak, gaitaan taan padika mak, tumei nun ta sa bam tuang e (v1-6)

 Gaansaek aneikhang suang lungsi mei guai tho, anei ta ni lunggai the tuna jao bam nu e. Zaozian thaimei, tipat thaimei, gaitaan padikmei su ni na the, aniu rui ngam pui kam. Bill Gates kum, Mukesh Ambani kumna lungai bam mei nun khang na ham the!