Meibnbaengmei lat (English) khouna Poem hibam nimak
khena, akai nRuanglat khou hi chada tuang e. nRuangmeina su bam se nRuanglat
ncham thao tou timak na tho, khatni English school khou rana kutimeitho, nRuanglat
hi khang peina kung mei naithe.
New Orthography le Syllabification thai mak pukhou,
Poem hei hi thai dat mak khe. Rhyming words, Alliteration, Rhyme schemes, meter,
assonance hei kasiam thai dat mak khe. Poem tho hiloumei nai gei e ki, kalun
kasiam ngam makpui zaeng rui (sa kanmei problem theilaina) post sulou khang
meizak e!
KAI
HAN GUANGMEI
31st
July, 2008 kum hi loumei poem e.
(JNV, Bishnupur, Class room khou)
(JNV, Bishnupur, Class room khou)
Chaeng manna tat kanmei
Aseih hei kai han guang dat the
Neihlahna lalou kho, zianna lalou kho
Aman kanmei lauziu kum mei
Lung ncham datkhang guang dat the
Champan thiu niu neihlahna bam kho
Heikum meihei zaozian pan rui e
Kagan asaek ntam kan mei
Chana puna ramgai thai makna
Aseih hei lungncham mei ramgai
Thaidat lana guang dat the
Zangailuh suanna neihla na lalou kho
Manseih panti hei, mi kum tuang e
Kagan asaek hei niu manna bam puni
Han guang dat pui gan ni naipuni
Mi gan khoutei niu ramthai hian puni
Aniu neihlana lalou kho,
Sangaipuimei kiu lalou pui mei e.