Meicguay
Na Ta Karianh Ne...
Tingkwm pum Baibal pacluai lou tanh tan ethei gayhak puni dyng e twna, aniu
meicguayna ning bam meita gay changh e. Rongmei Baibal khang suangc tho English
Bible ruina pac katum gay tap tap dyng e. Kaluan nic nthuih maih, gianc nic tac
gay hian e.
Meicguayna Rongmei Baibal bampu
English version bampu, aseikwm
nec/mu/namu pacluai khang karamc geic dat dihkho. READING PLAN meickhang
khang kasiamh khang, kaganv rii mak he, tingkwm kahouh tuang na dihe. Ainic
aseikwm khang mei haptac khourui kahou tuang dihe!
Reading Plan kasiamh khang ningkungc
ethei tho, akhou bampu meicramc meikhou bampu thanv tho. Internet khounic
naigeic de. Mi blog khou nic blogpost kathumh nai e. Link khou click/tap sw lou
nuh e. Reymei article the heic rui. Kaneimei
rui heic the, Kathumhmei
rui heicnic zauclou nuh e.
Pacluai luai meiguay khang
PRIZE/Reward (swan) kumcna Christmas gift ti kari kho December guang pu khou
(tingkwm luai pu khou). Pacluai ngam mak mei ruina khap (fine) dih kho
to, kumhbo?
1. Nang zamh Baibal
gay changh timak na khwang e, Baibal gaymei, kamanv kunghmei, kalwn gaymei,
machu gaymei, kahiak gaymei how nthan thiak thiak mei Baibal kathanc la dat tho (buy a new Bible). Aniu Baibal cha raph
rap mei sin timak pui zaeng rui, Baibal nic pac nliauh tuang e. (Tabui Baibal
gaybo twmei thay ni e thei, mi Article khou click/tap swlou nuh e)
2. Nang tuang
Reading Plan lamhian maih (impractical) tina khwang e. Ramhbamv khat khou tat
khang GPS tracking swna tat thau lana, chaeng tat laacn e ta, reposition swna tat
dat kumcna, Reading Plan, reset sw dat
tio.
3. Baibal-Kathaimei
twmei lev Baibal-Pahmei twmei khak langc thay o. Pahmei tho, gianc tacnih
tahmaknih paraph twkhang nade. Matak tak
tho, gianc khatse tah makna se kum pac raph bo, discipline khang e!
4. Ting mik pum pah
khang kungc e ta, haptac khou pacliang heicju
khang twmei tamh mei (plan) nai tio.
5. Baibal kaduan duanc swna pactio. Book
by book, chapter by chapter, paragraph by paragraph pac tio. Phaek pat pat mei
khou, Asoka kanuk (ludo game) kumcna pac ta rio.
6. Baibal kazaat geicna nai tio. Daih mei,
nthyam mei, nsu mei, mpu mei, saengh mei, dui mei, etc. Khatnic phone khou Bible
Apps, hamh mecthei, audio Bible nic nai tio. Taanv bam khou (workplace) Baibal
dangv puanc si e thei, Bible apps phone khou pac nuh e. Zip phaihna (in
recliner) pah khang Baibal nthyam mei sin gay hian punic. Nthyam langv dat re
thei, kahiak nthyam punic; kumethei, how pat si hakna pac zih punic. Heiczaeng
rui, phurit-pheybaan (dresses) kazaat geidou aniw nai mei kumc, Baibal zaat nic
nai geic kho.
7. Social media
khou (WhatsApp, Facebook, Instagram, etc.) khou haptac pum (weekly) Baibal lev mari nai mei, Baibal verse
bampuc, reflection bampuc share/upload sw khang karamc tio. Kum ethei, nang
khang nic gay, meicramc mei khang nic gay, meic guay ruina nic nang ta how
karuh (respect) lou punic.
Kumh
Kumhmei sahap lou dat nuh bo, mei tangv
khou ruina? Comment section khou, sahap lou nimei nai e thei, salou nuh e. Khat
khat thay mei sana katiu kari kho. 🙏