Ravkalummei hei peyna gay e twmei meiguayna rui thay e.
Ntay-tazuanghmei, ravmaengc kalummei (idol worshippers) guay rui na sinic, aniu
Ravsuay ta kahao chuy pui tuang the. Tikih aniu Ravkalummei hei aliauh pui ganv
nai e. Kalum ni kih kalum thuy lak, twmei ganv ni nai e. Kum tina Baibal ruina
aniw ta ‘Ravkalum lingh o’ tuna sa katup hak na sa bam e. Heizaeng rui, nang ai
Ravkalum linghmaih, heihmaih,
gaymaih, thuihmaih khang, mihei hy lou pui tuang e. Ravkalum lingh ni ki kalum thuy lak e thei:
1. Ravkai (Church) ku tat tio.
Namphu kalum tou puni the, meicguayna kalum bam timei tho. Rakai khou, nangrana
khang ni, meiramc meikhang ni, phwamgling khang ni, kalum raph rap the. Ravguangc
tanih thuanh pui ravsuai suaic the.
2. Tingzin key e thei, meic geihtho kai
khou bam pui ganv the. “Family Worship nai dikho” tuna karianh tio. Nang
aliauh maih bam si, mei guay na kalum nchamc e thei, kalum chuy dat kan tuang
e. Family swna lungh mak ge thei, bam ncham mei guay lev na kalum khang kabai
tho. Kaigei kaining mei ta sinic karianh ti doc.
3. Nang tuang phone contact list
zaocna, Whatsapp khou ny, Message khou ny, Call su tuang ni tuna, "Kumh
Kumh mei khang Ravkalum tou lou o to nang khang?" twna than geic tio.
Text message rui gay hian the, kazaeng tho, text tha meipu nic, type subam khou
rui, kalum nimei ravsuay dam (prayer items) ta kakhanh minc na type sw e. Nang
nic meicdyng khou ta pac na kalum lou nuh the.
4. Church khou, ramh lam peyna khang
kalum tow geic the, aniu ning tow zat mak mei khang sinic. Church
Intercessory Prayer ganv khou guang namv khang Ravkai guang zaic o, kaengc
nei (2nd bell) key mak mei hu khou rui.
5. Ravkalum lou o twna sasmei nai e
thei, WhatsApp khou ny, Message khou ny, nang tuang Ravsuay short summary,
text swna tha lou tio. Kumna type swbam khou, nang Ravkalum nu the!
6. Meicram meidaeng tho taray tat na
(visiting), kadow cha mei zaocna "Ravkalum khotoh/ni?" tuna sa
tio.
7. Nangkhang suangc rianra/nsuan
maihmei/ nnaumei/ guay ta pary rac ncham tio. Nzian mei lung ning pat na
Ravkalum ni kan tuang e. Kaniu pary nking pu khou, kaniu ni neihlaa (glad),
nang ni nang zaeng gay, Ravguangc ruini kwnlou (pleasing to God) punic.
8. Ravchap tatmei guay thei ni lay
tat tio. Kaniu thiak zaocna lungning thao hak pu ni. ‘Nsuan mei guay
rih-ngam kho thei (victory), tanhmei (strong) nunc thei liangh khang e’ tu e.
9. Lwm nuhmei (trustworthy) hamhethei
nchaan dianghmei (close friends) khat-kanei phuna, prayer partner swna,
haptac pum (weekly) (tingmik pum sw ngam mak se), kalum nchamc o. Kabamv
baic na bam e thei, khuangh ganv daek pat na (fix the timing), kalum pui dam saa
karina, kalum tio.
10. Kalumnimei dam (Prayer
routine/schedule) kasiamhna table khou hamhethei, dam-ngaengh (wall) khou nap
lou tio. Photo kaap na phone khou ni lou tio.
11. Paapc, thay tangkhaanvna, taanc
taanc bam sinih (even after a deliberate sin), ‘Ravguangc khiu nthan lou
ngam e’ tw mei thayna Ravguangc mav khou, kuaklou khang khatnic, huaynei
khang, nang liw keyna (in humility/penitence) kalum o. Kalingna sa pwkhou,
aniw paapc khou bow key lou puy ganv khou the, Ravguangc ta kage nai liang mei.
Kumh-Kumh mei sahaap lou dat nuh bo, meic tangh khou ruina? Kazaeng
tho, Ravkalummei (prayer) twmei hei aniw kathiak kathiak swna meicrana meicta
nthiam (discipline) ni na e. Comment section khou, sahaap lou niimei nai e
thei, salou nuh e. Khat khat thaymei saana katiu kary kho.